偷「冬甩」??? 迪基亞：完全係笑話…

各位曼迷只是呢幾日有睇開報紙，相信無人會唔知迪基亞偷價值1.19鎊「冬甩」一事，呢件事俾當地傳媒大造文章…返到隊訓練，又被「紅魔」班球員笑佢，齊齊請佢請「冬甩」…仲因為咁，有人話周六對Norwich唔出佢，完全因為佢偷「冬甩」，而俾費sir雪佢，更加得到傳媒俾佢「三隻手」嘅稱號…..



對於呢件事，沉默咗好耐嘅迪基亞，終於忍唔住要回應喇…. 迪基亞話喇：「成件事唔係傳媒報導咁呀！當日我同我嘅堂弟、一名西班牙朋友一齊去大型超市連鎖店Tesco，由於太肚餓喇，所以就揀咗去買冬甩，當時我哋仲未買完嘢，但我發現我遺留咗個銀包晌車到，於是就打算去返停車場到攞…及後佢哋以為我哋唔想俾錢，所以我急於解釋，但英文又唔夠好，結果糾纏咗一段時間。後來有一個西班牙女仔過嚟，大家先搞清楚晒來龍去脈，他們最後仲同我哋道咗歉。所以對我嚟講，整件事都係得啖笑。」


雖然係咁，但係睇嚟外國傳媒都無放過佢，早前仲特登同佢設計咗幾張相添...

唔想件事再次發生，我諗迪基亞都係快啲講好啲英文喇…

資料來源：now.com.hk 及 the sun