人人都對史高斯嘅接班人好有興趣，好似聰明仔、史奈達，甚至小豬都有好多人支持。不過經過上一場對保頓的比賽之後，衛報的專欄作家David Pleat有咗另一個睇法，就係呢位人兄會成為新史高斯：安達臣！
上場比賽大家當然會注目連中三元嘅朗尼同梅開二度嘅小豆，不過勝利後面有好多功臣都係唔可以忽視嘅，安達臣就係其中之一喇！今季佢嘅成長又係有目共睹嘅(好多新人嘅進步都有目共睹呀！大家一定好開心啦！)而佢嘅出現確實係令曼聯上一仗嘅優勢更大。衛報用咗一個例子：係一個進攻入面，里奧同伊雲斯離開咗自己嘅防守區域，安達臣就溜後幫手取得迪基亞開嘅龍門球，開始咗以佢為首嘅傳波入楔攻擊show。佢交波俾右邊嘅里奧，自己就同卡域克雙雙推進，而個波經蘭尼嘅駁腳之後返去安達臣腳下，佢再同朗尼打個one two，再傳俾左邊上來助攻嘅楊格，一個人連繫咗成個曼聯中場線。聯同鐘斯同艾夫拿對對手嘅牽制，曼聯係呢個攻擊入面如入無人之境。圖片來源：衛報
相比起防守意識強嘅卡域克，安達臣表現得更有活力同機動力，佢會搵機會作出直線傳送，再等候攞波同起腳嘅機會，大大加強曼聯攻力呀！對佢守得雲開見月明，David Pleat認為係爵爺同安達臣都有耐性等待嘅結果。安達臣好有攞波用波嘅衝勁，而慢慢成長嘅佢無論傳波定係射波，準繩度都已經大大加強，令佢可以擔正右路角球嘅操刀人。所以David Pleat預言，要阻止曼聯嘅攻勢，截低安達臣變得愈來愈重要呀！
不過筆者就認為，依家曼聯強在你截低邊個都無用呀！俾你咁叻擋住哂小豆、朗尼、楊格、安達臣，你都無手擂低鍾斯、史摩寧！求其一個埋到禁區你都有排驚！呢個就係點解呢兩場波咁好睇的原因喇！
來源：衛報
上場比賽大家當然會注目連中三元嘅朗尼同梅開二度嘅小豆，不過勝利後面有好多功臣都係唔可以忽視嘅，安達臣就係其中之一喇！今季佢嘅成長又係有目共睹嘅(好多新人嘅進步都有目共睹呀！大家一定好開心啦！)而佢嘅出現確實係令曼聯上一仗嘅優勢更大。衛報用咗一個例子：係一個進攻入面，里奧同伊雲斯離開咗自己嘅防守區域，安達臣就溜後幫手取得迪基亞開嘅龍門球，開始咗以佢為首嘅傳波入楔攻擊show。佢交波俾右邊嘅里奧，自己就同卡域克雙雙推進，而個波經蘭尼嘅駁腳之後返去安達臣腳下，佢再同朗尼打個one two，再傳俾左邊上來助攻嘅楊格，一個人連繫咗成個曼聯中場線。聯同鐘斯同艾夫拿對對手嘅牽制，曼聯係呢個攻擊入面如入無人之境。圖片來源：衛報
相比起防守意識強嘅卡域克，安達臣表現得更有活力同機動力，佢會搵機會作出直線傳送，再等候攞波同起腳嘅機會，大大加強曼聯攻力呀！對佢守得雲開見月明，David Pleat認為係爵爺同安達臣都有耐性等待嘅結果。安達臣好有攞波用波嘅衝勁，而慢慢成長嘅佢無論傳波定係射波，準繩度都已經大大加強，令佢可以擔正右路角球嘅操刀人。所以David Pleat預言，要阻止曼聯嘅攻勢，截低安達臣變得愈來愈重要呀！
不過筆者就認為，依家曼聯強在你截低邊個都無用呀！俾你咁叻擋住哂小豆、朗尼、楊格、安達臣，你都無手擂低鍾斯、史摩寧！求其一個埋到禁區你都有排驚！呢個就係點解呢兩場波咁好睇的原因喇！
來源：衛報
請按此登錄後留言。未成為會員? 立即註冊