史奈達親自剖白：我曾經感覺到轉會曼聯好近！

原來史奈達真係有一刻認為自己會去曼聯！轉會市場關閉嘅一日，佢接受咗荷蘭當地傳媒訪問，道出今夏轉會嘅峰回路轉！

今夏差唔多日日都有曼聯想史奈達轉會嘅傳聞，大家都唔會懷疑曼聯對佢嘅興趣，尤其係國米都唔止一次開腔話，有好價唔排除賣咗佢：始終佢嘅人工都真係一個天價！好難負擔架！不過說好了的中場點解最後都無加盟呢？
佢接受訪問時咁講：「係架，有一刻我諗過轉會曼聯已經好接近！因為我知好多管理層都已經傾過。不過國米自己都有一個賣人策略，就係我同伊度奧二揀一，賣佢就唔賣我。曼聯對我係有興趣嘅，不過因為好多唔同嘅原因，最後都無發生到喇。」

「曼聯係世界上最大嘅球會之一，所以加盟佢哋絕對唔壞！不過同時間我都唔想離開國米，我係意大利過得真係好好。錢？唔重要嘅，因為我真係中意國米！我唔係話我唔中意曼聯，不過我無一定要過檔嘅感覺。因為我覺得意大利人好好，而呢到嘅文化都好啱我。所以我留低都唔係壞事！」

史奈達唔做紅魔鬼，相信有粉絲會好失望，亦會有粉絲好開心，因為佢點解唔加盟都有好多臆測。不過無論點，結果已經放係眼前，就係曼聯會繼續由朗尼呢位新領袖領軍，帶住卡華利、普巴、史摩寧、鍾斯、迪基亞等等組成嘅一支平均年齡23嘅年青紅魔再向新挑戰進發。無史奈達？咁我地睇朗尼啦！
來源：espn
拜拜史奈達！
我地仲有好多好球員！呢幕，有無史奈達都會出現嘅！