大家有無睇曼聯輕取熱刺場波呢？係唔係睇得好開心呢！不如睇埋呢篇評論！你會更開心！
1: 後生細仔？無問題！
拿，睇完場波無論你我他都一定有一種感覺，就係曼聯班後生仔真係好夠料呀！先講下數據先，當日正選出場嘅一班紅魔平均年齡係….23。係，無睇錯，係23！條數好易計，後衛有個2字頭都無既鐘斯，右邊有個21歲嘅史摩寧；代替瀟灑哥嘅韋碧克都係得21！而龍門迪基亞甚至比對面嘅費度後生一半！大家唔好唔記得仲有個22歲仔嘅中場，只喺曼聯一隊比賽上陣幾次咁大把嘅基華利，佢呢幾仗嘅表現話俾大家知買唔到 / 唔買史奈達都唔代表曼聯中場無大將可用！爵爺更形容佢地為現代版畢士比寶貝！當然啦，佢亦用呢個做原因 / 藉口話唔會再買人喇…
2:摩迪好無品呀！
列納嘅熱刺大軍入面，無咗一個好重要嘅人物：摩迪！聽講佢係自己要求唔出嘅，但列納好似無咩受影響噃，成隊波發揮仲要唔錯添！(輸波唔代表打得唔好呀！係曼聯打得更好之嘛！)當然，有埋摩迪曼聯就唔會打得咁舒服喇，佢嘅創造力同控球在腳的能力真係唔可以睇少！不過，摩迪的自私就唔多唔少削弱咗熱刺的力量，更重要嘅係佢嘅專業精神同良好態度已經蕩然無存。好多人都有轉會傳聞，不過咁唔代表可以hea打或者以唔出陣逼領隊賣佢！爵爺，送佢上車算啦！列納：拿！
3:韋碧克百煉成鋼
今次正選陣容中，朗尼仔唔係同小豆拍，又唔係瀟灑哥，而係黑貓借完返嚟嘅韋碧克。由上半場黃興桂形容為場中22人最差嗰個，打到下半場返哂嚟，仲要一入波一助攻，韋碧克表現出一個專業球員的重要心理素質：唔會因為一時表現唔好而影響之後發揮！加上佢入波固然好，以後踭助攻更表現出佢嘅冷靜、唔獨食同良好嘅閱讀球賽能力。加油呀！我地又多個頂級前鋒架喇！
4:熱刺要買前鋒！
上一陣熱刺的攻力確係出咗啲問題，成隊波好似得一個雲達華治可以威脅到迪基亞。唔怪得列納咁想要艾迪巴約，有咗佢就幫到好大忙！你話熱刺仲有個高治？算啦…都係正正經經買多個前鋒，分擔下雲達華治的工作！我要換熱刺波衫！
5:瀟灑哥的前景…今次真係大件事…爵爺要韋碧克都唔出瀟灑哥，數數下佢已經成為隊中前鋒第4把交椅：朗尼、小豆、韋碧克都在其上。仲要爵爺早前答應俾多啲波奧雲仔打，依家佢有傷出唔到就話，出得隨時搶走埋瀟灑哥的第4位…3年前值3千萬轉會費的瀟灑哥能否東山再起？定係比上年更沉淪？睇嚟答案就喺曼聯依家嘅打法上…全隊人以默契同走位帶動，拉散對方防線再突擊…你又覺得瀟灑哥係唔係呢班波呢？
仲坐？？有危機喇！來源：衛報
1: 後生細仔？無問題！
拿，睇完場波無論你我他都一定有一種感覺，就係曼聯班後生仔真係好夠料呀！先講下數據先，當日正選出場嘅一班紅魔平均年齡係….23。係，無睇錯，係23！條數好易計，後衛有個2字頭都無既鐘斯，右邊有個21歲嘅史摩寧；代替瀟灑哥嘅韋碧克都係得21！而龍門迪基亞甚至比對面嘅費度後生一半！大家唔好唔記得仲有個22歲仔嘅中場，只喺曼聯一隊比賽上陣幾次咁大把嘅基華利，佢呢幾仗嘅表現話俾大家知買唔到 / 唔買史奈達都唔代表曼聯中場無大將可用！爵爺更形容佢地為現代版畢士比寶貝！當然啦，佢亦用呢個做原因 / 藉口話唔會再買人喇…
2:摩迪好無品呀！
列納嘅熱刺大軍入面，無咗一個好重要嘅人物：摩迪！聽講佢係自己要求唔出嘅，但列納好似無咩受影響噃，成隊波發揮仲要唔錯添！(輸波唔代表打得唔好呀！係曼聯打得更好之嘛！)當然，有埋摩迪曼聯就唔會打得咁舒服喇，佢嘅創造力同控球在腳的能力真係唔可以睇少！不過，摩迪的自私就唔多唔少削弱咗熱刺的力量，更重要嘅係佢嘅專業精神同良好態度已經蕩然無存。好多人都有轉會傳聞，不過咁唔代表可以hea打或者以唔出陣逼領隊賣佢！爵爺，送佢上車算啦！列納：拿！
3:韋碧克百煉成鋼
今次正選陣容中，朗尼仔唔係同小豆拍，又唔係瀟灑哥，而係黑貓借完返嚟嘅韋碧克。由上半場黃興桂形容為場中22人最差嗰個，打到下半場返哂嚟，仲要一入波一助攻，韋碧克表現出一個專業球員的重要心理素質：唔會因為一時表現唔好而影響之後發揮！加上佢入波固然好，以後踭助攻更表現出佢嘅冷靜、唔獨食同良好嘅閱讀球賽能力。加油呀！我地又多個頂級前鋒架喇！
4:熱刺要買前鋒！
上一陣熱刺的攻力確係出咗啲問題，成隊波好似得一個雲達華治可以威脅到迪基亞。唔怪得列納咁想要艾迪巴約，有咗佢就幫到好大忙！你話熱刺仲有個高治？算啦…都係正正經經買多個前鋒，分擔下雲達華治的工作！我要換熱刺波衫！
5:瀟灑哥的前景…今次真係大件事…爵爺要韋碧克都唔出瀟灑哥，數數下佢已經成為隊中前鋒第4把交椅：朗尼、小豆、韋碧克都在其上。仲要爵爺早前答應俾多啲波奧雲仔打，依家佢有傷出唔到就話，出得隨時搶走埋瀟灑哥的第4位…3年前值3千萬轉會費的瀟灑哥能否東山再起？定係比上年更沉淪？睇嚟答案就喺曼聯依家嘅打法上…全隊人以默契同走位帶動，拉散對方防線再突擊…你又覺得瀟灑哥係唔係呢班波呢？
仲坐？？有危機喇！來源：衛報
請按此登錄後留言。未成為會員? 立即註冊