費sir：紅魔小將必定繼續為曼聯贏錦標

費sir近日接受訪問話喇，隊中各位年輕球員都好有潛質同前途，佢仲對一班年青小將充滿信心，話佢哋一定會為曼聯繼續贏得更多錦標咁話~~


事緣費sir被問及兩位中堅大佬里奧同維迪雙雙缺陣，咁對熱刺場波會出啲咩人穩守後防，佢就講到明會出菲爾鐘斯同伊雲斯打中堅、史摩寧出任右後衛，仲有迪基亞守龍…

新中堅拍擋..菲爾鐘斯拍伊雲斯


及後被問到喇，佢哋咁後生，怕唔怕唔得呀? 費sir好充滿信心咁講喇：「呀，伊雲斯12歲就開始踢曼聯，絕對有足夠經驗，加上佢都踢過好多場一隊嘅賽事喇，至於菲爾鐘斯晌布力般嘅時候已經成日出場喇，一早就有英超經驗，仲有就係史摩寧，佢上季已經打得好好，今年應該會繼續進步…所以佢對呢班後生仔，絕對無任何嘅擔心…」
史廯寧上季加盟後，一直表現都唔差，今年都打埋右閘...


之後費sir仲同大家大談足球哲學：「早幾年前就已經知球隊有啲老大哥要退休，雖然係好唔想佢哋走，但畢竟呢個就係足球圈嘅道理，歲月不饒人，任何人改變唔到有朝一日會退落嚟嘅事實，所以我一早已經為呢班老大哥嘅離去，注入年輕新血…依家嘅曼聯，有經驗嘅球員，又有以及一班年輕球員…咁樣令到球隊有經驗之餘，同時又充滿活力同潛能。」
迪基亞一定係費sir計劃入面嘅門將接班人...
當然仲有基華利同韋碧克...以及馬捷達...


費sir果然係費sir，一早已經有晒全盤計劃…費sir，你係得嘅!!!


來源：英國太陽報