史奈達：減薪嚟曼聯...

唉...今夏有關曼聯嘅轉會消息，就係一個史奈達，都已經令到各位曼聯迷好悶好悶好悶好悶好悶好悶...話就史生一時一樣，一時又話紅留晌國際米蘭，一時又話要轉會，又話曼聯有接觸過佢，但就人工過高，曼聯唔肯..攪到費sir又出嚟過組軍完成，放棄買史生...以為一切已經完結之時，今日又傳史奈達準備翻兜曼聯...

史奈達之後會著邊隊波衫，依然係個謎...

據英國《太陽報》講，史奈達離隊轉投曼聯之心又再次堅決，仲講佢不惜減薪，由之前要求嘅26萬英鎊周薪，大幅減6蒂英鎊咁多，變為要20萬英鎊周薪。其實曼聯早於上月已向國米開出3500萬英鎊轉會費，而國米亦都已經接受咗，就係因為史奈達唔肯減薪，曼聯又唔肯俾咁貴，令到轉會一究陷入僵持局面...依家佢肯減薪，咁係唔係轉會重現轉機?

史生你就笑得出，你知唔知你令到一眾曼聯迷又喜又悲...

後記：首先曼聯肯出3500萬英鎊，買一名27歲中場，相信已經超出球隊預算，再加上就算史奈達的周薪要求減至20萬英鎊，呢個薪酬，都會係曼聯第2薪酬高的人，僅次於25萬英鎊嘅朗尼，咁樣可能又引致個個都想加薪...曼聯係俾咁多朗尼，就係知曼聯之後嗰幾年無咗佢唔得...但曼聯又係唔係無史奈達唔得呢，我估費sir個答案會係唔係囉，所以就算佢減薪，感覺轉會一事仍然唔會睇好。