入魔在即？史奈達又漏口風！

史奈達轉唔轉會一事就好似娛樂版故仔咁，日日新鮮，今日史生又出嚟同傳媒講，又一齊睇下佢講咩...


上週末史奈達已經指國米需要錢，如果有合適的叫價，不排除轉戰英超為球會帶來巨額轉會費。而今日佢又再漏口風，令佢即將入魔的傳言更為熾熱！記者問到佢係唔係好有信心加盟曼聯，佢就咁講：「係！我好有信心！不過到現時為止暫時未有正式的斟介。可能遲啲會有人私底下搵我傾下啦！我唔知呀。」

「情況就係我雖然仲係國米球員，不過我唔排除離隊的可能性。如果機會來到，我會有充足的時間作出考慮。而且呢個都好睇國米自己，如果有合適叫價，國米係會俾我走嘅。當然佢地唔想失去我，不過仍然係有機會賣我走。打完場友賽我就會離開英國喇，不過國米肯放人的話，我會返嚟！」


講咗成個夏天，史奈達成日放風會走，仲好似講到明係國米唔俾咁~~

睇完都覺得佢好似成為半個曼聯球員一樣呢！不過仲有更多情報！荷蘭隊友雲達華治都咁講呀：「史奈達？佢梗係想打英超啦！我地日日都有傾電話架，佢好知英超要啲咩！」問到佢想唔想對陣史奈達，佢就話：「當然唔想！有咗佢曼聯會強好多！不過講真，史奈達真係一個好球員，而且佢真係好啱打曼聯。」


佢好波就個個都知，之不過呢件事真係拖得太耐喇~~

講到咁明，唔通雲達華治知道史奈達一定投效曼聯？早前有報導話曼城其實想要拿斯尼多過史奈達，咁再引證一下之後，唔難發現史奈達真係比較接近紅魔嘅！攪咗咁耐，都係時候為呢個轉會連續劇畫上句號喇！史奈達，留返件波衫俾你呀！


請問幾時先會出現呢兩幕呢?

嚟曼聯體測...同埋正式穿曼聯波衫...

來源：espn soccernet