爵爺：利物浦會係杜格利殊帶領下復活！

費格遜認為今季曼聯會有一個捲土重來的老對手，利物浦！雖然已經兩年無打過入英超前四，不過爵爺認為係杜格利殊帶領下佢地將會成為下季的強大對手。佢咁講：「利記之前係稍為落後咗，不過我認為佢地今年會返哂來！老實講，有四隊波我係好憎輸俾佢地，就係阿仙奴、車路士、曼城，同利物浦。歷史係唔會改變，佢地一直都係曼聯的頭號對手！無論邊季都好，我地都感覺到壓力會從呢四隊入面而來，所以利記返來絕對係意料之中。」
佢上季加盟後，令費sir感覺利物浦今季實力不容忽視...上季杜格利殊上任領軍後，好明顯令利物浦成隊波強咗好多...

提到另一對手巴塞，爵爺就認為：「巴塞仍然係呢一刻最強的隊伍，只要有著同一班球員，佢地就可以係任何一場比賽佔上風。不過咁絕對唔代表要放棄，唔代表要諗『忘記歐洲賽佢啦！都打唔贏！』，我地要堅持自己的一套理念，堅持自己的爭勝決心，要相信今季自己可以有長足的進步，足以拉巴塞落馬！」
雖然爵爺認為利記有能力威脅曼聯的一哥地位，不過睇數字佢地已經21年無攞過英國頂級聯賽的冠軍，今季兩軍陣營都有好大規模的重組，唔知係曼聯可以進一步奪得第20次冠軍，定係利記一搔22年之癢呢？筆者就睇好前者喇！

查理阿當、唐寧、佐敦軒達臣，都係利記今季新兵...銳意加強中強創造力，今季同曼聯一併...

來源：espn