維迪：巴塞？我哋未驚過！

接受衛報訪問的維迪指，曼聯唔會因為輸咗2次俾巴塞就驚咗佢哋！自從剛過去的歐聯比賽之後，好多傳媒都追問曼聯點可以縮短同巴塞的距離，維迪就認為呢啲報導係不必要的。

佢咁講：「我真係唔知點解你地(傳媒)成日都問我哋打算點樣去追貼巴塞，我重申曼聯喺一隊好成功的隊伍。我哋一直都打出好好的足球，亦與巴塞的球員無任何心病或者唔妥。我哋十分敬重呢班對手，不過從來都無驚過佢哋！」

「不能否認係最後一場輸咗係好唔開心的，而你一定會因為咁而耿耿於懷。佢哋發揮得好過曼聯，而當時我哋可以亦必須打得更好。輸咗已經係事實，不過新球季就來開始，所有事都重新來過，我哋必須向前看，在之前的失利之中學習，再進步、改善。依家我哋要做的就喺記住自己的成功，好似係過去5年我哋取得4次聯賽冠軍，同3次打入歐聯決賽。」
「相比巴塞，我哋應該注視更近的對手，好似曼城咁！佢哋有好強大的財力，亦買咗好好的球員，來屆一定係逐鹿中原的對手之一！所以我哋必須更專心去增強自己，先應付打到埋身的挑戰。」

來源：衛報
碧基維迪鬥法！夾死人咩...來季要攞多次！