朗尼:為新紅魔年代感到興奮

曼聯專區 於 11/07/2011 發表 收藏文章
接受鏡報訪問時,朗尼表示對新一年的紅魔充滿期待。今夏爵爺一改之前穩定勝於一切的風格,比起其他球會更為進取,在轉會開始前後已經羅致了三位球員,分別是迪基亞、艾殊利楊格及菲臘鍾斯,而外界則一致認為他會為紅魔引入一位中場球員以完成新兵的引入計劃,人選就唔駛多提喇!大家都知不外乎史奈達、拿斯尼同犘迪!

不過有新人,當然亦少不免有人離開。繼加利仔、史高斯同雲達沙的掛靴之後,布朗、奧沙亦一同投靠了「黑貓」新特蘭。朗尼就咁話:「其實更衣室入面無咗佢地真係好唔開心的一件事,不過你要明白布朗、奧沙都係有野心的球員,佢地係好想每星期都落場比賽的。我好明白佢地點解咁決定,而我地亦會一直係好隊友、好朋友!佢地一定會好期待係新特蘭的新生活。」

「不過紅魔的新年代已經來臨,雖然好多球員離開,但亦有好多新人入隊,只要諗到佢地會一齊訓練、一齊出賽就已經好興奮!」

筆者都好似朗尼咁期待新球員的到來!不過講還講,新的球員應該都要一啲時間適應,所以開季時大家都要好好包容一眾新隊友的失誤同唔習慣!要知道,唔係人人都好似小豆同史摩寧適應得咁快呀!

來源:鏡報

朗尼:祝你好運!
小豆:我地向下一個目標進發啦!
byebye...奧沙同布朗
標籤: 朗尼  奧沙  布朗  

留言


請按此登錄後留言。未成為會員? 立即註冊
    快捷鍵:←
    快捷鍵:→