布朗已經身屬黑貓！奧沙、吉遜會唔會一齊呢？

「黑貓」新特蘭確定已經簽下31歲的一代曼聯老臣布朗，合約為期四年，而ESPN就稱外界估計轉會費為100萬英鎊。

曾經亦是紅魔的戰將，現時為新特蘭領隊的布魯士非常歡迎布朗的加盟，他說：「我們非常高興有布朗咁有能力同經驗豐富的球員加盟，呢位曼聯足員唔單止會加強我哋後防的防守力，佢仲可以為我地帶來強烈的爭勝心理質素，與及加強球隊的成熟程度。佢一定可以對身邊的球員帶來正面影響。」

唔講唔覺，布朗已經係曼聯15個年頭，上陣361次，更擁有5個英超的獎牌！雖然佢無奧沙咁全能，但要打中堅同右後衛都係勝任有餘的。
同時ESPN確定通天老倌奧沙亦在新特蘭體測中，看來與布朗一同過檔的機會很大。ESPN透露，本來新特蘭打算出價1200萬英鎊一次過「打包」奧沙、布朗同吉遜，不過到依家吉遜嘅轉會就係最唔明朗的。今年無咗戴倫賓特、軒達臣，唔知黑貓會唔會成功copy曼聯後防線呢？

筆者自己就睇好布朗的轉會，咁會令佢的上陣機會大增。不過我就好唔捨得奧沙喇！始終佢都仲可以有好高水平的表現，其實係唔係非賣不可呢？定係，其實爵爺賣的唔係奧沙，而係人情呢？賣個人情俾布魯士下季調兵無咁頭痛？不過點都好啦，吉遜你都係留隊好啲！有潛質呀！

來源：espn soccernet你兩個我都要！
開心定唔開心呢...？
布朗、奧沙、吉遜...唔好走哂呀！
呢到5人組，今年會走剩幾多個呢？