英國獨立報：曼聯想要拿斯尼？你開價就得！

英國獨立報指費sir有可能突破雲加的障礙，成功羅致阿仙奴中場拿斯尼。之前鏡報已經有傳拿斯尼與阿仙奴續約不果，費sir可以乘機搶到呢位法藉的中場大將，詳情可見「曼聯轉會黑馬：拿斯尼？？」一文。事過3星期，今次到英國獨立報再一次「吹風」，稱爵爺只要2000萬鎊就可以在宿敵手上奪得心頭好！

獨立報的報導係咁講嘅，佢話雖然雲加一直都話拿斯尼係非賣品，更指他的身價與法比加斯的4000萬鎊睇齊，不過呢啲都係嚇走紅魔的手段而已。獨立報指其實三星期前拿斯尼的中介人已經同曼聯初步接觸，並試探出阿仙奴很可能接受2000萬鎊的轉會費。拿斯尼下年合約就完，可以自由身轉會，為咗賺回一筆轉會費，接受出價亦未必係無可能的事！
大家應該唔會忘記，法明尼(Mathieu Flamini)就係同阿仙奴續唔到約的情況之下，係2008年以自由身加盟AC米蘭，雲加最後一分錢都攞唔到。面對去意已決的球員，雲加只能任其離開，分別只係賺唔賺到轉會費而已。不過筆者就感覺一定有其他英超外的球隊準備出價，見到阿記急住放人，仲唔出手咩！曼聯要2000萬鎊，雲加隨時接受1500萬鎊的出價，將拿斯尼放逐去德甲、意甲，或者送回法甲都好過係英超同佢再碰頭！到時拿斯尼又會唔會學鐘斯咁，同阿仙奴講：「非曼聯不嫁」呢？？

來源：英國獨立報做咩咁嬲？唔好嬲啦，好快有得轉會！費查：逼佢入魔！卡域克：好！禾確特：有人望住你wor拿斯尼！拿斯尼：係唔係爵爺呀？奧沙：拿，跟住我做動作，咁就過到檔喇！