星仔：我三兩年後就會離開曼聯

曼聯咁受亞洲人歡迎，唔多唔少都有啲關朴智星事，皆因紅魔令呢位亞洲之光可以揚威歐洲大舞台，同時佢亦完全反映出亞洲球員的能耐：高速、重心低，而且耐力強，拚命三郎式的打法都令人印象深刻。然而ESPN soccernet就指星仔自己認為係曼聯的日子唔會剩低好多，三兩年後就有可能離開曼聯，並唔會好似史高斯、加利仔咁係隊入面掛靴。

佢係咁同鏡報講嘅：「要保持係最好的狀態並唔係咁易，我估計過多一兩年就會開始下滑，到時我真係唔知自己會唔會仲留係曼聯。雖然我仍然未諗過掛靴的事，不過我知作為一個球員的日子將會打一日，少一日…我會因應情況決定幾時離開曼聯，去另一隊球隊繼續足球生涯。」
唔覺唔覺星仔都已經30歲喇，2005年係以4百萬英鎊由燕豪芬加盟曼聯，至今已經奪得1次歐聯冠軍、4次英超冠軍，真係唔簡單呀！而今年佢都有同其他球會傳緋聞，就好似西維爾同馬德里體育會等。筆者自己就想佢離開曼聯之後返亞洲打波勒！唔知會唔會加盟南華或者傑志呢？？

來源：ESPN soccernet
ByeBye?無咁快嘅，過多幾年啦！我就係勁量兔星星！！電量用極都有！呢位呢，就係星仔2009年時傳過的緋聞女友韓國歌手索菲！唔知幾年後星仔會唔會因為想成家立室而返韓國打波呢？