曼聯專區龍門陣：足球霸權 VS 地產霸權

睇咗一陣轉會新聞，筆者就有一個好奇怪嘅感覺，就係歐洲的轉會市場同香港的地產霸權真係好似！就等筆者同大家分享一下，大家討論討論！

就等我地睇下香港的情況先，依家租鋪真係好恐怖，旺角富榮花園地鋪面510平方呎，月租32000元，租俾餅店賣餅…一件西餅15蚊，咁要賣幾多個西餅先俾到租？2100件！仲要其他開支呢？人工？水電煤？不過個鋪仲可以繼續加租，因為餅店俾唔到咁貴租頂唔順走咗，就可以租俾大連鎖店，唔理你係快餐店定連鎖沽衣店，總之有市有價，可以租到35000佢就唔會用30000租俾你…
球員的情況都係一樣，明明菲臘鐘斯叫價1600萬磅已經係爆哂燈，不過布力般可以臨時加價到2500萬磅。無他，曼聯出1600萬磅？利物浦就出2200萬磅爭，因為有市有價，你買唔起有人買得起。所以始作俑者就係一眾打破球會生態平衡的大財團，當你發現皇馬可以用8000萬磅羅致C朗拿度、車仔用5000萬磅買入托利斯，而利記都可以用3500萬磅引入初生之犢卡路爾的時候，你就知道轉會的生態已經完全改變。菲臘鐘斯轉會有驚無險！避過足球霸權？？兩位人兄一啲都唔平...
係呢個情況之下，唔好提一眾中下游的球隊無法引入中價球員，就連曼聯呢啲大球會都有問題出現，因為車仔有油王，我地有格拉沙家族…車仔可以有好多錢買人，我地就要俾好多錢去還債…你估費爵唔想買史奈達咩？不過資金就得咁多，俾唔夠車仔皇馬多，就爭唔過。唔係人人都好似菲臘鐘斯咁有心，同球會講明非曼聯不去，幫曼聯低價買到自己的…香港的情況就係咁，一眾有心創業的人唔係無能力做，而係無能力同大連鎖店爭鋪租…

係呢到唔係要數有錢球會的不是，這個是自由市場，有咁嘅財力去招兵買馬絕不是甚麼不公平的事情。筆者想探討的，是一個只著眼錢銀同名氣的轉會市場是不是一個健康的市場？其實有錢、買到好貴的好球員，是不是一定對球會有利無害？就好似托利斯一樣，其實佢實力係好強，不過硬係夾唔到車仔的隊友，如果佢一直留係利物浦同謝拉特等老拍檔共同進退，會唔會更有發揮空間？
係香港都一樣，有時租鋪俾一啲街坊鋪，反而有機會留到更多的舊客，唔係人人都中意去萬寧同屈臣士！筆者自己就會係藥房買藥品同日用品！個個藥房員工都好nice ga！所以筆者亦開始覺得，就算買唔到史奈達、摩迪（真係有可能…ESPN都指出，佢個價已經推到2500萬磅，而且形容個價高到「荒謬」…），都唔代表曼聯無出路，因為寧願有一個合適的球員好過！如果係爵爺的教導之下，可能吉遜、基華利（Tom Cleverley）會去到史奈達、摩迪的level都唔定！
托利斯硬係夾唔到車仔...會唔會返利記好啲？兩位都可能係明日之星！我地再來看看吉遜的百步穿楊：http://www.youtube.com/watch?v=BJbzMebE4rw