曼聯名宿點將錄(一)：卜比查爾頓

要數曼聯的第一把交椅，大家一定會諗到夢劇場的三個銅像：卜比sir、丹尼士﹒羅同佐治貝斯！而今日就等我地回顧一下卜比查爾頓的一生啦！1937年出世嘅卜比sir細細個已經好中意踢波，以十七歲之齡加入曼聯，一共為紅魔上陣754次，並攻入247球，而更重要嘅係佢被譽為貫串曼聯過去、現在、未來的重要人物！邊個係卜比sir呢？
過去，絕對係指曼聯一段慘痛的回憶，因為卜比sir正正係慕尼黑空難的見證者之一。身為畢士比寶貝，卜比查爾頓1956年的處子上陣已經入2球，不過佢亦係呢場波扭親腳…不過接下來的球季佢都有好好的表現，包括對保頓的連中三元，令佢成為隊中不可或缺的前鋒之一。然而在1958年歐聯比賽半準決晉級之後，曼聯就遇上慘劇慕尼黑空難，八位年輕球員與世長辭。在慘劇之中，卜比查爾頓比較好彩，只係受了傷，在一個月之後已經痊癒，但佢已經背負了好沉重的過去，亦背負了好沉重的任務：重建曼聯…慕尼黑空難後身在病床上的卜比查爾頓
畢士比傷癒之後重掌教鞭，卜比查爾頓順理成章成為新一代曼聯核心。佢由前鋒轉型做攻擊中場，並在1965、67年協助曼聯取得聯賽冠軍。而佢係球會嘅最大成就，可以話係慕尼黑空難10年之後，帶領曼聯殺入歐聯決賽之餘，更攻入2球協助紅魔以4:1的比數戰勝賓菲加，取得歐聯冠軍！而為咗紀念10年前去世的戰友，卜比sir缺席了賽後的慶祝活動，亦標誌住十年的曼聯重建真正的完成…其後，查爾頓成為Best-Law-Charlton三叉戟之一，直到1973年掛靴。

除咗球會的貢獻，佢亦係英格蘭國家隊的靈魂人物之一，係1966年英格蘭惟一取得的世界杯冠軍中佢實在係舉足輕重，唔單止係四強梅開二度撃敗葡萄牙，更於決賽帶領英格蘭打敗西德，取得世界盃的莫大榮耀！而係英格蘭國家隊中上陣106場比賽、一共攻入49球，亦是歷代英格蘭球員中首屈一指的。英格蘭取得世界盃的一刻！
去到現在，佢仍然為曼聯出心出力。1984年6月查爾頓成為曼聯的董事直到依家，而佢亦因為係1994年得到CBE(大英帝國司令勳章)，所以就成為人所共知嘅卜比sir喇！至於未來呢，我地當然知道呢位曼聯的好好先生會繼續為紅魔服務，唔單止為咗代一班畢士比寶貝做埋未做好的功夫之外，更為咗未來嘅曼聯可以有更光輝的一頁！靚仔！呢個就係卜比查爾頓？？啱一半！佢係英國廣播公司（BBC）拍攝關於慕尼黑空難，名為《United》的影片中扮演卜比查爾頓的Jack O'Connell！http://www.youtube.com/watch?v=bzVfXMWWMo8要看卜比sir的表現？去片啦！
http://www.youtube.com/watch?v=aqTcL1A3fNM要做到貫串曼聯過去、現在、未來的重要人物，當要要追上時代拍下廣告！睇下佢同朗尼、vds一齊粉墨登場啦！