隨住歐聯決賽告終，門將雲達沙亦正式為曼聯上陣咗佢職業生涯嘅最後一場賽事，正式踏入退役之路，依家就呢位「球員英雄」晌曼聯呢幾年嘅貢獻，同大家嚟一個終結…
2005 – 2006球季
晌2005年6月10日，曼聯以當時報章報導約200萬英鎊，從富咸簽入呢位35歲荷蘭門將。雖然當時曼聯已有賓科士打同古斯錫兩位門將，但始終未能令費sir對佢哋有信心，於是簽入經驗老到的雲達沙，更預言佢係自舒米高後，球員史上另一個最佳門將。
05-06片段重溫：
http://www.youtube.com/watch?v=UO4WCYOY4d0&feature=related
2006 – 2007球季
呢一季係雲達沙首次贏得英超錦標，佢晌07年5月7日，救咗一個關鍵嘅12碼，令到曼聯打比戰 1-0贏曼城，又隨住車路士當時贏唔到阿仙奴，令曼聯贏到第九個英超冠軍。雲達沙當年俾選入英超最佳陣容，更晌8月嘅慈善盾連救車仔三個12碼…
一齊重溫一下雲達沙點樣救嗰3球12碼：
http://www.youtube.com/watch?v=clH_3RisXP4&feature=related
2007-2008球季
雲達沙曾經因腹股溝受傷而缺陣過一段時間，但最重要嘅係，佢嘅好表現，帶鎵曼聯連續兩年贏得英超冠軍，但佢最重要一役，當然就係08年歐聯決賽，勇救安歷卡嘅12碼，令曼聯贏得歐聯冠軍…佢嗰一下撲救，仲令佢多咗個花名，叫 “Van der Save”
2008歐聯決賽12碼重溫：
http://www.youtube.com/watch?v=haJAUrD2MMo&feature=related
2008 – 2009球季呢一年一定係雲達沙最經典嘅一年，事關佢創咗合共1311分鐘唔失波，打破咗歷史而嚟單季不失球紀錄，最終佢以21場聯賽保持清白之身，帶領曼聯連續3年贏得英超冠軍，仲攞埋當年英超金手套獎項黃入選最佳陣容。雖然佢帶領唔到曼聯撃敗巴塞贏歐聯，但佢依然計效力阿積士贏過之後，14年後再當選為歐洲最佳門將。
好門將當然要留住喇，所以嗰時費sir晌2008年12月，即刻俾多一年合約雲達沙，令佢可以打多一季…
2008-2009 雲達沙精彩撲救：
http://www.youtube.com/watch?v=v4s6pNX1mso
2009-10球季
因手指受傷，令琺達沙一開季就缺陣12場賽事，直至10月17曰 2-1 贏布力般流浪場聯賽先復出，但去到11月21日，佢又因為受傷，以及返番去荷蘭，照顧住腦出血嘅妻子，又令佢缺陣多12場比賽，直到2010年1月16日、3-0贏般尼先再度復出。
但費sir依然對年紀漸老嘅雲達沙非常有信心，又同佢晌2010年2月26日，續約多一年。
重溫一下佢當年撲咗幾多靚波…(片段由2:00開始先係雲達沙嘅片~~)
http://www.youtube.com/watch?v=WGA0H8aiEQY
2010-2011球季
雲達沙晌2011年1月27日，宣佈打埋今季後退休，令好多紅魔迷好傷心，雖然球隊贏唔到歐聯，唔可以令雲達沙晌足球生涯最後一場捧盃而回，但英超冠軍、入選今季英超最佳陣容，以及對阿仙奴嘅吒總盃賽事成為最佳球員，總算帶俾佢足球生涯完結前一啲美好回憶…
曼聯對黑池，雲達沙以隊長身份，同各位say goodbye…
http://www.youtube.com/watch?v=MQ3KS-FNSmI&feature=related
後記：睇返雲達沙咁多年晌曼聯嘅表現，心入面不得不讚佢勁，曼聯近幾年有咁好嘅成績，雲達沙絕對係功不可沒，多謝晒你，Edwin Van Der Sar!!!
2005 – 2006球季
晌2005年6月10日，曼聯以當時報章報導約200萬英鎊，從富咸簽入呢位35歲荷蘭門將。雖然當時曼聯已有賓科士打同古斯錫兩位門將，但始終未能令費sir對佢哋有信心，於是簽入經驗老到的雲達沙，更預言佢係自舒米高後，球員史上另一個最佳門將。
05-06片段重溫：
http://www.youtube.com/watch?v=UO4WCYOY4d0&feature=related
2006 – 2007球季
呢一季係雲達沙首次贏得英超錦標，佢晌07年5月7日，救咗一個關鍵嘅12碼，令到曼聯打比戰 1-0贏曼城，又隨住車路士當時贏唔到阿仙奴，令曼聯贏到第九個英超冠軍。雲達沙當年俾選入英超最佳陣容，更晌8月嘅慈善盾連救車仔三個12碼…
一齊重溫一下雲達沙點樣救嗰3球12碼：
http://www.youtube.com/watch?v=clH_3RisXP4&feature=related
2007-2008球季
雲達沙曾經因腹股溝受傷而缺陣過一段時間，但最重要嘅係，佢嘅好表現，帶鎵曼聯連續兩年贏得英超冠軍，但佢最重要一役，當然就係08年歐聯決賽，勇救安歷卡嘅12碼，令曼聯贏得歐聯冠軍…佢嗰一下撲救，仲令佢多咗個花名，叫 “Van der Save”
2008歐聯決賽12碼重溫：
http://www.youtube.com/watch?v=haJAUrD2MMo&feature=related
2008 – 2009球季呢一年一定係雲達沙最經典嘅一年，事關佢創咗合共1311分鐘唔失波，打破咗歷史而嚟單季不失球紀錄，最終佢以21場聯賽保持清白之身，帶領曼聯連續3年贏得英超冠軍，仲攞埋當年英超金手套獎項黃入選最佳陣容。雖然佢帶領唔到曼聯撃敗巴塞贏歐聯，但佢依然計效力阿積士贏過之後，14年後再當選為歐洲最佳門將。
好門將當然要留住喇，所以嗰時費sir晌2008年12月，即刻俾多一年合約雲達沙，令佢可以打多一季…
2008-2009 雲達沙精彩撲救：
http://www.youtube.com/watch?v=v4s6pNX1mso
2009-10球季
因手指受傷，令琺達沙一開季就缺陣12場賽事，直至10月17曰 2-1 贏布力般流浪場聯賽先復出，但去到11月21日，佢又因為受傷，以及返番去荷蘭，照顧住腦出血嘅妻子，又令佢缺陣多12場比賽，直到2010年1月16日、3-0贏般尼先再度復出。
但費sir依然對年紀漸老嘅雲達沙非常有信心，又同佢晌2010年2月26日，續約多一年。
重溫一下佢當年撲咗幾多靚波…(片段由2:00開始先係雲達沙嘅片~~)
http://www.youtube.com/watch?v=WGA0H8aiEQY
2010-2011球季
雲達沙晌2011年1月27日，宣佈打埋今季後退休，令好多紅魔迷好傷心，雖然球隊贏唔到歐聯，唔可以令雲達沙晌足球生涯最後一場捧盃而回，但英超冠軍、入選今季英超最佳陣容，以及對阿仙奴嘅吒總盃賽事成為最佳球員，總算帶俾佢足球生涯完結前一啲美好回憶…
曼聯對黑池，雲達沙以隊長身份，同各位say goodbye…
http://www.youtube.com/watch?v=MQ3KS-FNSmI&feature=related
後記：睇返雲達沙咁多年晌曼聯嘅表現，心入面不得不讚佢勁，曼聯近幾年有咁好嘅成績，雲達沙絕對係功不可沒，多謝晒你，Edwin Van Der Sar!!!
請按此登錄後留言。未成為會員? 立即註冊