史高斯掛靴，並將成為曼聯助教

曼聯官方網站表示，一代傳奇史高斯於今日決定掛靴，但下年會成為曼聯助教，繼續貢獻奧脫福。而他的告別表演賽將於八月舉行，到時又有機會見到碧咸同其他七小福了。一年來兩位老大哥都退下來了...我地會記得你地的精彩足球的！
對於史高斯的掛靴，爵爺就話：「佢掛靴意味住我地會無咗一個難以置信咁好的球員，佢一直都為曼聯作出貢獻，就算掛靴之後都仍然係奧脫福幫手，實在令我非常感動。我深信佢能夠做好係奧脫福嘅新角色。」而曼聯CEO基爾都話今日係好傷感嘅一日，因為史高斯係紅魔最出色的球員之一。咁就得返傑斯勒...
史高斯自己就話：「我可以好肯定咁講，踢波係我生命中最重要嘅事，而能夠係奧脫福成就一個咁成功嘅事業就更加係一種榮耀。掛靴並非一時衝動而係一個深思熟慮的決定，因為係曼聯贏得第19個頂級錦標時退下來係最適合的。我好多謝球迷咁多年來的支持，亦好多謝費爵俾我加入紅魔大家庭，我深信曼聯將會取得更多的成就同榮譽。」

如果想回味一下史高斯的精彩入球及成就，可以瀏覽曼聯專區小評：”史高斯的決擇”。

來源：http://www.manutd.com