到咗5月尾，聯賽冠軍入手、歐聯備戰中，但仍然有一個決定係未做的：史高斯仍未決定續約與否。一代紅魔名將史高斯做事的風格都是沉穩、低調，可以預計佢就算真係掛靴，好可能唔會大聲講出口，只係唔續約、唔出聲，靜靜的退下來。衛報提到過下佢平時的生活，同佢嘅風格同出一轍：早上返紅魔訓練場做training，下午接仔仔放學、同佢地玩，食下tea，睇下電視咁就一日，同其他球星靚車出入、到處留情飲酒，真係好唔同。佢打波又何嘗唔係？著重交波攞波、長短傳送，然後係最有需要時施射一記重炮，實而不華，沉穩、低調。所以佢退休的方式，好可能都係好低調、好平靜。真係咁黯然離場？？
不過史高斯雖然低調，不過佢對自己的要求係好高的。作為一個中場球員，佢非常希望主導整個比賽節奏，所以佢一直強化自己的傳送能力，以自己為起點帶領整隊球隊攻擊防守。幾年前無左碧咸、堅尼嘅時候，而傑斯又正值轉型期之時，派牌的重任就係史高斯身上了。呢啲就係榮耀，無論係邊個試過，都唔會忘記，都會一直追求。呢個就係點解係呢一、兩年你成日見到佢係球場上冤口冤面，點解？因為隻腳唔聽話囉，交波交唔到位，射波又飛機；仲要被人當後備，70分先換出來，唔係主導個比賽，而係打下垃圾時間。實在係叫人灰心，亦可以預計到佢想退下來嘅願望應該會愈來愈強烈。史高斯的老隊友剩返唔多勒...雲佬同堅尼已經好耐無返奧脫福了
回顧佢足球生涯其實真係好光輝，10次聯賽冠軍、3個FA Cup、2個歐聯(可能3個！)、66次代表國家隊…仲有唔少人的讚譽，好似施丹啦、亨利啦、沙維、納比都話史高斯係佢地個一代的最強中場之一。而大家都一定唔會忘記佢嘅招牌式重炮入球！咁輝煌的日子佢一定唔捨得，不過有時選擇正確嘅掛靴時間真係好重要。好似雲達沙咁，佢依家掛靴，大家都只會記得佢最輝煌的時間，因為佢就係係最高峰退下來的。其實史高斯已經遲咗少少，係開始下滑的時間掛靴可能已經唔係一個好嘅決定。不過無論點都好，佢一定係一個傅奇，但亦都真係差唔多時間要開始新生活了。唔知對黑池，或者對巴塞會唔會係佢最後一場為曼聯上陣的比賽呢？http://www.dailymotion.com/video/xit4i3_scholes-top-10_sport等我地一齊重溫佢的10大入波啦！(上面個LINK唔得可按此)
來源：英國衛報
不過史高斯雖然低調，不過佢對自己的要求係好高的。作為一個中場球員，佢非常希望主導整個比賽節奏，所以佢一直強化自己的傳送能力，以自己為起點帶領整隊球隊攻擊防守。幾年前無左碧咸、堅尼嘅時候，而傑斯又正值轉型期之時，派牌的重任就係史高斯身上了。呢啲就係榮耀，無論係邊個試過，都唔會忘記，都會一直追求。呢個就係點解係呢一、兩年你成日見到佢係球場上冤口冤面，點解？因為隻腳唔聽話囉，交波交唔到位，射波又飛機；仲要被人當後備，70分先換出來，唔係主導個比賽，而係打下垃圾時間。實在係叫人灰心，亦可以預計到佢想退下來嘅願望應該會愈來愈強烈。史高斯的老隊友剩返唔多勒...雲佬同堅尼已經好耐無返奧脫福了
回顧佢足球生涯其實真係好光輝，10次聯賽冠軍、3個FA Cup、2個歐聯(可能3個！)、66次代表國家隊…仲有唔少人的讚譽，好似施丹啦、亨利啦、沙維、納比都話史高斯係佢地個一代的最強中場之一。而大家都一定唔會忘記佢嘅招牌式重炮入球！咁輝煌的日子佢一定唔捨得，不過有時選擇正確嘅掛靴時間真係好重要。好似雲達沙咁，佢依家掛靴，大家都只會記得佢最輝煌的時間，因為佢就係係最高峰退下來的。其實史高斯已經遲咗少少，係開始下滑的時間掛靴可能已經唔係一個好嘅決定。不過無論點都好，佢一定係一個傅奇，但亦都真係差唔多時間要開始新生活了。唔知對黑池，或者對巴塞會唔會係佢最後一場為曼聯上陣的比賽呢？http://www.dailymotion.com/video/xit4i3_scholes-top-10_sport等我地一齊重溫佢的10大入波啦！(上面個LINK唔得可按此)
來源：英國衛報
請按此登錄後留言。未成為會員? 立即註冊