爆！晏菲路球場現「曼聯贏第19錦標」橫額！

你都咪睇少英國曼迷，佢地真係好夠膽！15號個日利物浦主場對熱刺，但係晏菲路球場竟然出現 「MUFC 19 TIMES」，即係曼聯贏第19錦標的橫額！呢個咁爆的行動由紅魔球迷會Red Issue籌劃，就係紅軍球迷開始唱「You'll Never Walk Alone」嘅時候佢地就開始行動！佢地係行動地點看台下面備有私家車(應該係用來閃人之用…)，仲有同黨係對面看台影相做證據！
不過呢個橫額大作戰已經唔係新鮮事，好似1994年利記就有一個出哂名的橫額：「Come Back When You Have Won 18！」(贏18個錦標你先同我講啦！)不過我地已經唔係18次，係19次勒！
可能睇完個橫額心跳手震啦，利記個場比賽發揮唔係咁好，最後輸俾熱刺0:2...唔知你又有無膽做啲咁爆的事呢？來源：英國衛報
其實呢...個橫額都唔係好大嘅...不過都好大膽勒！
拿，呢個就係「贏18個錦標你先同我講啦！」橫額！2年前都已經吐一口烏氣勒，今年更爆！