爵爺：打贏巴塞你就知今年隊曼聯夠唔夠班！

爵爺真係好有信心！好多人都話今年曼聯係廿年來最弱，季前都有好多人將今屆紅魔睇低一線，不過取得第19個英國頂級聯賽冠軍之後，爵爺就同一眾球員講：唔好理周圍啲人點批評，要佢地收聲的最好方法就係打贏巴塞！佢仲咁樣形容今季嘅曼聯：「依家隊曼聯有打不死的精神！對韋斯咸一役你就完全感覺到，係先失兩球的情況之下可以追返4球，唔單止反映出球隊嘅韌力，呢場仲可以算得上今季的轉捩點！我地有年輕嘅球員，有好的腳法同速度，最重要的係作為一個球員佢地嘅態度非常好！」呢班新紅魔會唔會再創傳奇呢？
雲達沙、史高斯、加利仔都差不多到掛靴的時候，而傑斯雖然出色，亦總有退下來的一刻，講到呢到爵爺表示無有怕，因為史摩寧、小豆等已經完全繼承咗一班前輩的能力同精神，仲有就係個種對冠軍嘅饑渴！有咗呢種饑渴，就會引領佢地一直進步。蘇斯克查一早就退下來勒，但好似仲未有人可以代替到傑斯呢
最後佢不忘訓示下一班徒弟，批評朗尼同小豆對布力般時發揮係水準之下。不過總的而言，呢對好拍檔有著超恐怖的能力，對車仔時大家已經見識過！當然一眾粉絲梗係想5月28日再一次見到佢地爆發，一舉撃敗巴塞以報2009年的一戰之仇啦！生生性性，歐聯打好啲呀！