加利仔表演賽copy 92年紅魔陣容!

曼聯專區 於 11/05/2011 發表 收藏文章
除咗28日歐聯決賽,大家仲記唔記得24號有另一場大戰呢?就係曼聯對祖雲達斯勒!呢一場係慶祝加利仔掛靴的表演賽,原本筆者都幾擔心紅魔們賽程大密,會令歐聯無以為繼,依家筆者就真係擔心成真…因為官方表示該場比賽的人腳將會係以92年的曼聯班底為重心,所以影響到的雖然得一個人,但係就有可能影響全盤部署…邊個?梗係曼聯長青樹傑斯啦!佢係今屆曼聯中場大腦,如果佢太攰咁對巴塞點算?雖然老朋友榮休傑斯當然要捧下場,不過看來無必要打足全場,一定要留力打歐聯呀!
除咗傑斯,應承咗參與呢場比賽的仲有大家好熟悉嘅畢特同史高斯,而獲邀的仲有萬人迷碧咸!唔好睇少佢,佢1992年已經效力緊紅魔!當年仲係大帝簡東拿威哂嘅時間呢!不過萬人迷仲未回覆,未知佢會唔會再次披起紅魔戰衣住!除咗佢地,仲有一位係加利仔掛靴表演賽無可能唔出席的,就係佢弟弟菲臘尼維利勒!佢表示離開曼聯6年之後再一次著紅魔波衫,仲要同哥哥一齊再同場演出,一定好催淚咁話!
來源:manutd.com好多年前的尼維利兄弟!好多年後,繼承尼維利兄弟嘅達斯華兄弟!
呢一幕會唔會係24再上演呢?
標籤: 加利仔  菲臘仔  

留言


請按此登錄後留言。未成為會員? 立即註冊
    快捷鍵:←
    快捷鍵:→