華山論劍！究竟費格遜點擋住地上最強的美斯？

有咩招可以用？來！一齊過招！

第一招：知彼知己！自2009年輸俾巴塞之後，爵爺放出全部球探、員工睇到實巴塞，包括爵爺哥哥、曼聯最強球探馬田，務求找出巴塞同美斯的弱點！所以，佢嘅數據庫之大可能連美斯自己都無！佢就係馬田費格遜勒！
第二招：絕對紀律！要封殺美斯，一定要球員聽話先可以打出部署，下下玩個人主義，要同美斯單挑的話，一定會輸！所以紀律係必要條件之一。包實佢！！

第三招：投摩問路！邊個摩？摩連奴囉！雖然皇馬在爭議中落敗，不過皇馬同巴塞最近對賽5次，一勝二負二和，可以有效封殺的次數其實唔少！仲有，巴塞曾經係歐聯四強輸過係摩帥帶領的國米手上3:1的！所以要問點封殺美斯，梗要問摩連奴！摩連奴：放心...有人會幫我收拾你...
第四招：密集防衛！爵爺除咗犘友之外，好友艾拿迪斯都教路！佢好認同美斯嘅能力，覺得係無人可以擋得住佢：單對單的話。人釘人是無可能打得贏佢的，一定要以整隊人的力量去做！只要美斯一進入你的防守範圍，你就要負起睇實佢的職責。如是者11個防守區相呼應，就可以減少佢的威脅！大Sam：儲氣...！用氣功打佢！
第五招：軍糧寸斷！太陽報評論員Neil Custis指出，第一步要封死美斯就係要斷佢供應，將所有俾佢嘅波都截下來，咁美斯再強都發揮唔到！如果佢真係有波在腳，要做的就係痴實佢唔俾佢抖氣，逼佢交波！

筆者就覺得，都係唔好咁留意美斯好啲！個個都掛住斷佢供應，俾其他巴塞球員一大堆空位可能仲危險！

來源：英國太陽報
美斯：咁打法...死梗啦...