衛報5點：曼聯對史浩克，二線兵都好好睇呀！

舒舒服服晉級歐聯決賽，接下來當然係睇評論的時候勒！雖然無咩大戰氣氛，但昨晚的比賽無論場內場外都充滿有趣的見聞！準備好大家就來衛報5點啦！

一：爵爺調兵？咪就係心水清囉！
有幾心水清？無嘅，首回合對史浩克中11個正選爵爺換走咗9個，得返雲達沙同華倫西亞仲留係到，而隊長係…奧沙！一開始我估一眾曼迷一定無眼睇…不過效果出乎意料地好，做出10射8中4入球的高質素埋門，你點可以唔佩服爵爺調兵之能！
最重要嘅係呢個陣令曼聯晉級之餘，仲可以俾一眾主力休息、備戰車曼大戰，可謂任務完成！呢班就係出場陣容勒！
二：哥迪奧拿白白到奧脫福一遊
巴塞當然想摸清曼聯個底啦，不過哥迪奧拿雖然有來觀戰，不過佢本簿仔好快就可以收埋！因為呢個陣絕對唔會係對巴塞的正選陣容！或者佢可以睇到少少華倫西亞同蘭尼嘅實力，不過佢地拍傑斯、卡域克就唔係咁睇法！所以…哥迪奧拿，你都係當睇下波算數啦！
三：吉遜可以玩返twitter勒！
玩咗97分鐘twitter就被寸到要delete account的吉遜，今次威返一次勒！仲要係一撃打低神級門將紐亞！今仗佢表達咗兩件事：吉遜重炮係球會內排名唔會低，但要好好再鍛鍊一下準繩度先可以參與重要賽事…另一件事就係佢助攻都唔差，俾華倫西亞的一腳助攻顯示佢交波都有返咁上下！吉遜入波勒！
四：史高斯的前景
究竟史高斯會唔會續約？今仗佢的長短傳球仍然非常有效，但比起傑斯佢真係好明顯跌咗watt…36歲唔係一個細的數字，而佢唔續約的疑雲亦愈來愈濃…真係要諗諗佢勒，仲有3場英超同一場歐聯，係未必再出佢的前提下，我地唔排除呢場係佢最後一場正式上陣嘅比賽…一代傳奇將何去何從？五：紐亞唔係超人
睇過吉遜一球，大家都會替紐亞心疼：咁近距離的射門就連紐亞都擋不了…再加上後防不穩，造就了安達臣及華倫西亞的入球，見證了紐亞並非萬能。依家紐亞都有九成會加盟拜仁，所以被攻入4球可能係俾曼迷一個安慰，等我地諗：「吃不到的葡萄是酸的，唔做我地門將都無所謂啦！」雖然佢唔識飛，不過可以加盟都係一件好事...
後記：其實筆者想補充一點衛報無提的，就係奧雲勒！77分鐘先上陣嘅佢，都作出咗一記好具威脅性的攻門，要紐亞撲到盡！重點唔係呢一腳，而係背後的貢獻：既然佢狀態咁fit，即係平時操得好足啦！而平時操得足，示範哂一個世界級前鋒應有的功架，咁望到實嘅一眾後輩一定獲益良多！所以小豆之所以咁快爆發，筆者認為奧雲功不可沒！當馬切達等一眾小星外借完回到奧脫福，奧雲就可以再充當指導者了。到時再多幾粒豆，我諗曼聯都幾頭痛：頭痛出邊個好！師傅？？來源：衛報及ESPN