皇馬扭計，要求六個巴塞球員停賽！

皇馬對巴塞之戰餘波未了，皇馬向歐洲足協要求將六個巴塞球員停賽，原因係佢地「有預謀地違反體育精神」。而皇馬稱呢個預謀係哥迪奧拿一手策劃，所以亦會指控佢！皇馬要求布斯基斯、柏度、丹尼爾停賽2場，基達、域陀華迪斯、馬斯查蘭奴就停一場。
其實兩隊已經好多麻煩事，皇馬自己就要面對5個罰款，包括放出煙霧火箭、不當進入比賽場地、比比的紅牌、摩連奴的趕出場同埋賽後的「不正當言論」。
筆者自己就覺得按歐洲足協的慣例係唔會理皇馬的指控，更惶論要6個巴塞球員停賽…不過曼聯就真係要留意下，因為好可能入到決賽嘅佢地亦好有可能會對巴塞，面對同一招真係要有對策先得！唔係10個打11個，點打得贏巴塞！來源：衛報