戰前鬆一鬆：爵爺心目中的歐聯大將係邊個??

費爵爺話打歐聯同英超有啲唔同，係歐洲賽中紀律係好重要！上年就係因為一張紅牌，曼聯就失去咗晉級機會。而且係呢啲大賽入面，冷靜亦係球員必須具備的，如果好易俾大賽氣氛沖昏頭腦，然後交波又交失、射波又飛機嘅，呢種球員就唔啱打歐聯大賽勒！好勒，又要冷靜，又要好紀律好脾氣，又要好波，咁有邊個係爵爺心目中的歐聯大將呢？？無錯勒，就係人稱朴三肺的亞洲球星朴智星了！

爵爺話佢：有紀律，有足球智慧，而且具備大賽所需的足球知識，所以係好好用的歐洲賽球員！更重要的，係星仔唔理人…吓？唔理人都係好處？？絕對係！佢係場上唔理其他球員攪緊咩，只係一心一意去攞波攞機會，所以就出現對手最大的惡夢：過咗星仔一次，佢又跑上來攔截；再過一次，佢又再出現…幻覺？唔係！朴三肺真係有用唔盡的氣同打不死嘅決心！
而且星仔唔會有大賽症候群，因為唔理對手係邊個、唔理係咩比賽，佢只係全心全意打波，就算對屯門普高定巴塞，星仔心態都唔會有唔同，令佢嘅表現非常穩定。呢個就啱哂爵爺的歐聯大將條件勒！

但原來星仔當年係經過一個好困難嘅選擇先加盟曼聯，因為佢嘅恩師，即係PSV前教頭希丁克係好想星仔去車路士的！佢自己更講到明，揀咗曼聯好似背叛咗希丁克一樣！但係為咗自己的未來，星仔揀咗自己的dream team，而佢係曼聯嘅表現已經話咗俾大家知佢揀得啱唔啱勒！今晚就係歐聯四強對史洛克04的比賽，唔知星仔會唔會好似對車仔一仗，再一次成為曼聯嘅致勝功臣呢？
來源：英國衛報星仔係PSV幫希丁克唔少呀！呢個入波已經係星仔作為大將的最佳證明！http://www.youtube.com/watch?v=oJF4ESUOtKg大家重溫一下星仔點淋車路士一盤冷水！