車仔唔夠曼聯同阿仙奴打，皆因management上已經先輸一仗！

車仔被曼聯踢出歐聯之後，衛報Paul Hayward發表了一段文章評論車仔的現況，佢講嘅可能正正係曼聯可以擊敗各豪強的主因！Hayward表示，阿巴莫域治正正是救車亦是毀車的關鍵，因為佢係車仔的米飯班主，成隊波人工加其他嘢要駛成7億5千萬磅！咁嘅情況下邊有人會同佢講唔入耳嘅說話？所以油王啲錢既是福又是禍，全睇佢點用。但無奈油王係商人，咩都要管管管管管，8年入面換咗6個領隊，軍心有幾散唔駛Hayward講大家都知。成隊車仔根本無人驚安察洛堤，佢有威嚴嘅點會有球員帶玩具汽槍入訓練場？而無威嚴嘅原因，就係成日換領隊！無威嚴唔尊重領隊，自然打唔到部署，球員亦唔會有為球隊犧性的精神。問題唔只車仔，曼城的文仙尼管唔到巴洛迪利其實亦好影響整隊波的隊形。相反，睇下曼聯同阿仙奴就無呢啲問題，因為紅魔們好尊重費爵，而兵仔都好尊重雲加。呢個就係點解今季曼聯同阿仙奴跑出的原因！管理一隊球隊就如行軍打仗一樣，將軍同士兵要時間磨合先可以有威力有默契。如果呢點都睇唔到，車仔係唔可能返到摩連奴時代的輝煌！(要知道當年一眾車仔尊重摩帥，向心力都係超強的！)
阿巴莫域治：生意來的！唔係唔管呀？A.Cole：我要玩槍呀！返工都要玩！安察洛堤：靚仔！收埋把汽槍佢！唔係記大過！摩帥：無眼睇...費爵：加加，我地去飲茶啦！佢地追唔到上來ga勒！資料來源：英國衛報