「車曼」大戰消息

曼聯專區 於 01/03/2011 發表 收藏文章
今晚凌晨就會上演車路士對曼聯嘅比賽,睇下曼聯有啲咩消息:

1. 後衛史摩寧將繼續代替受傷嘅里奧費迪南,同隊長維迪一齊拍住上,對抗杜奧巴、費托同安歷卡等一眾前鋒,對於呢位21歲嘅年青後衛,費sir就話:「對佢嘅表現好滿意,佢一直都發揮得好好,樂於學習同進步,晌各方面都有進步,俾球隊一大鼓舞」。嚟緊費sir對史摩寧,已投下信心嘅一票。

2. 講到後防,當然講埋維迪。維迪近年可以話俾費托克住晒,面對住呢位前鋒,表現走晒樣,唔知今晚維迪又有咩策略,應付呢位車仔新兵? 佢話:「傳媒一直都話自己對住某啲球員,大出洋相,但可以做嘅,就只可以專心比賽,爭取好表現,咁先可以令傳媒同球迷改觀。」睇嚟維迪同費托,今仗將繼續有一場惡鬥。

3. 唔洗俾英足總上訴、今晚可以晌大戰上陣嘅朗尼,佢嘅批踭一事,令佢韋根主席韋倫特登出嚟開腔,話英超有啲球證怕咗曼聯,就算明明係犯規,都唔會吹罰佢哋。唔知大家又認唔認同韋倫嘅一番話呢?

(圖片來源自 www.manutd.com)
標籤: 史摩寧  維迪  朗尼  曼聯  車路士  

留言


請按此登錄後留言。未成為會員? 立即註冊
    快捷鍵:←
    快捷鍵:→