ESPN:艾簡達拿入魔在即!

曼聯專區 於 03/07/2013 發表 收藏文章
買嘢有時真係要趁手,有一個球員依家買斷只需要1500萬英鎊;下個月身價就隨時大漲數倍到9000萬歐羅!邊個咁把炮?咪就係西班牙U21隊長艾簡達拿囉!不過大家唔駛擔心,因為據ESPN了解,曼聯簽下呢位小將的機會率已經大大提高,好可能呢幾日就成事了!

根據曼聯內部透露俾ESPN的消息,紅魔已經非常接近簽得艾簡達拿,不過情況有啲似當年史奈達的轉會,會方已經准許轉會,剩下嘅只係球員自己的決定而已。史奈達的轉會,外界一致估計係因為薪水傾唔掂數;而今次艾簡達拿的情況就係希望可以保障佢嘅上陣次數。為咗可以打多啲正選,艾簡達拿希望合同內有一條款,如果佢未達某個上陣次數的話,就可以即時被其他球會買走。不過曼聯內部的共識,認為呢一個險冒得過,因為佢哋對艾簡達拿嘅能力好有信心,認為佢可以成為球隊的主力之一。更重要嘅係,原來好多大牌球員都曾經同曼聯擦身而過,好似史奈達、奧斯爾、大衛施華、賓斯馬等等,其實都曾經「非常接近」成為紅魔鬼,不過最後都成空,曼聯高層認為唔可以再俾好球員再一次溜走,今次將盡全力引入艾簡達拿。

呢個轉會成唔成功尚係未知之數,不過據消息今日朗尼就會同莫耶斯傾前途。而好明顯艾簡達拿的轉會越來越明朗,對朗尼的留隊將有更大幫助,因為有艾簡達拿打中場,朗尼就唔駛再退後一格,有機會再讓2R發揮最大威力。所以,筆者真係好期待莫耶斯入魔第一個星期,已經可以成功為紅魔引入艾簡達拿、留下朗尼!
莫爺:yeah~~你兩個都同我留喺奧脫福!

標籤: 艾簡達拿  ESPN  莫耶斯  朗尼  

留言


請按此登錄後留言。未成為會員? 立即註冊
  • tigerkitman 於 03/07/2013 評論 NO. 1

    得個吹字!

  • Gideon 於 03/07/2013 評論 NO. 2

    我覺得現在的曼聯已經不再需要C.朗, 搞掂後衛同中場的問題已經夠晒,向歐冠進發!!

  • Jeffcf 於 03/07/2013 評論 NO. 3

    燃你啦DeReK 乜反骨仔? 佢系被费Sir出卖话佢要转会嘅, 朗尼自己无话过要转会。咁都算反骨?

  • 王震東 於 04/07/2013 評論 NO. 4

    買完都唔着 買黎托咩

快捷鍵:←
快捷鍵:→