ESPN 每日郵報 BBC證實:韋費特沙夏48小時內落實加盟曼聯

曼聯專區 於 25/01/2013 發表 收藏文章
曼聯一直同唔少球員成日扯上關係,一到轉會窗重開後就更加多,今個一月相信大家聽得最多除咗迪基亞會離隊之外,當中加盟最傳特熱哄哄,相信都係呢位英格蘭年青小將——水晶宮翼鋒韋費特沙夏。根據多份外國報導,曼聯將於晌48小時內簽入呢位英軍新星,仲會簽約5年,周薪3.5萬英鎊。

韋費特沙夏一直盛傳係曼聯同阿仙奴爭相羅致嘅目標,之不過日前雲格表明阿仙奴從來都無意收購呢位球員後,令到曼聯成為唯一熱門,而沙夏亦都曾經晌自己TWITTER到寫到,自己將會加盟英超排名最TOP嘅球會。
沙夏曾晌TWITTER暗示加盟曼聯...

成件事拖得咁耐先差唔多完成,當然就係雙方就轉會費方面達唔成協議。原本曼聯準備出800萬鎊,但水晶宮方面就希望佢可以效力到季尾,幫助球隊升班,亦希望轉會費提高,因此久久未能完成轉會。但依家據悉曼聯同水晶宮已達成一致,紅魔會先支付1000萬英鎊,另外有300萬英鎊就係根據佢出場次數而定,而剩餘嘅200萬就係根據球隊嘅獎項成績,以及佢晌英格蘭出場次數而定。仲有就係,如果日後曼聯賣佢走,水晶宮仲可以獲得10%嘅轉會費。
轉會費為1500萬鎊...

未來48小時內沙夏就會接受體檢,如果一切順利,佢將會同曼聯簽約五年半,周薪為3.5萬英鎊,但下半賽季會先租借返水晶宮效力,直到球季完結後先加盟。但亦有報章批評,曼聯目標應該係放晌後防方面,因為曼聯前線攻力根本無問題,雖然佢嘅加盟可以為曼聯注入年青元素,之不過佢晌水晶宮出場109次,只係入咗12球,與一眾現時紅魔正選兵相比,從數據上感覺有點比下去,難以加盟後搶得正選席位。

依家就一齊睇片睇佢表現:(由3:47秒開始,仲有佢代表水晶宮對曼聯嘅片段! )

如果喜歡我們的文章,請即分享到︰

標籤: 韋費特沙夏  曼聯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→