聽晚就係曼聯大戰巴塞歐聯決賽，兩隊者時都無就聽晚出啲咩人，會用咩方法應戰而公開發表過，之但係Bleacher report 就講咗5大曼聯要贏歐聯嘅致勝方法…
(1)費查一定要打正選
費查病咗成兩個月，人又瘦，體重又輕咗，狀態當然唔好，但係Bleacher report就講到唔出費查就一定輸，點解呢？就係因為有費查晌度，以佢嘅效率同能力，可以截住巴塞中場或者美斯交俾韋拿嘅波…佢哋仲用咗對阿仙奴做例，話曼聯以出卡域克同安達臣拍擋，對面艾朗藍斯同韋舒亞想點就點，之但係一換咗費查，佢哋嘅控波嘅時間即刻少咗…及後仲講到明，費查一定要拍卡域克，事關一個截完波，卡域克只要交到靚長傳，曼聯快攻就會好有威脅…聽晚都要好似攞獎咁齊心，一個截波、一個交波....
(2)維迪同里奧一家要拍住上，唔可以單打獨鬥
維迪拍里奧，如無意外佢哋一定係聽日決賽嘅最佳人選，而Bleacher report對佢哋嘅提讒就係要拍住上，互相補位，事關巴塞最強就係小組入滲，中場成日都將個波交到去對手心臟地帶，所以一對中堅一定唔可以人釘人，要互相守住中路，截住傳入禁區嘅波…里奧：聽晚千祈唔好走失呀，知唔知...
(3)曼聯球員一定要沈得住氣
有睇過巴塞對皇馬嘅歐聯四強，相信都會知巴塞球員嗰兩場波，最令人深刻嘅，並唔係佢哋嘅入球，而係佢哋嘅「演技」…呢一點就連Bleacher report都講到，認為曼聯球員一定要憑佢哋嘅經驗，時時刻刻保持住冷靜，唔好因為foul就燥底，因為一燥咗，就好容易失位，俾巴塞有機可乘…最後，仲點名講到明要拉菲爾好好控制一下自己…以相為鑑，唔好打少個呀..拉菲爾你記住呀...
(4)傑斯嘅經驗，對曼聯進攻起決定性作用
Bleacher report講到交波嘅人都好重要，呢個任務當然落咗喺經驗最老到嘅傑斯身上。佢又用之前幾場波做例，話對阿仙奴一戰，無咗傑斯，進攻總係好似爭啲，但對車路士一出番傑斯，成隊波就生晒，佢仲不時走位入到對方禁區，搵攻門機會…佢哋仲講到，傑斯可以幫補下艾夫拿，等艾夫拿上咗去攻，傑斯可以出任左後衛頂住先，事關傑斯對韋斯咸一仗已經試過，睇唔出有咩問題…朗尼：聽晚交多啲好波，唔好再諗住點block唔出你個名喇...
(5)費sir要向阿仙奴偷師
點解要向阿仙奴偷師? 無它嘅，話晒阿仙奴都晌歐聯16強首回合打敗咗巴塞，總有啲嘢俾到曼聯學下…Bleacher report講到，巴塞打得好整體，好鐘意晌自己半場不斷俾壓迫對手，之但係佢哋晌阿仙奴嗰場，就好怕禾確特用速度爆佢哋…所以曼聯一定要好好利用華倫西亞同蘭尼，要不斷晌左路爆艾比度咁話…費sir：過兩招嚟洗下先喇，雲加...
另外，當然就係要專人mark實美斯，好似哥期尼對美斯寸步不離，唔俾佢跑到入禁區，仲講到明俾費查、維迪同里奧唔可以早早就拎咗張黃牌…
維迪：mark實你、mark實你、mark實你卡域克：我又mark，釘緊佢...
後記：筆者感覺聽晚費查唔會打正選，佢個任務，應該會交咗俾星仔去做...而Bleacher report最後仲建議曼聯聽晚打4-5-1，朗尼單箭頭，雖然「小豆」同朗尼下半季夾得好好，之但係排4-5-1，攻力無疑低咗，但就可以截住巴塞嘅中場，朗尼返後幫手，等打突擊…唔知大家又點睇呢?
(1)費查一定要打正選
費查病咗成兩個月，人又瘦，體重又輕咗，狀態當然唔好，但係Bleacher report就講到唔出費查就一定輸，點解呢？就係因為有費查晌度，以佢嘅效率同能力，可以截住巴塞中場或者美斯交俾韋拿嘅波…佢哋仲用咗對阿仙奴做例，話曼聯以出卡域克同安達臣拍擋，對面艾朗藍斯同韋舒亞想點就點，之但係一換咗費查，佢哋嘅控波嘅時間即刻少咗…及後仲講到明，費查一定要拍卡域克，事關一個截完波，卡域克只要交到靚長傳，曼聯快攻就會好有威脅…聽晚都要好似攞獎咁齊心，一個截波、一個交波....
(2)維迪同里奧一家要拍住上，唔可以單打獨鬥
維迪拍里奧，如無意外佢哋一定係聽日決賽嘅最佳人選，而Bleacher report對佢哋嘅提讒就係要拍住上，互相補位，事關巴塞最強就係小組入滲，中場成日都將個波交到去對手心臟地帶，所以一對中堅一定唔可以人釘人，要互相守住中路，截住傳入禁區嘅波…里奧：聽晚千祈唔好走失呀，知唔知...
(3)曼聯球員一定要沈得住氣
有睇過巴塞對皇馬嘅歐聯四強，相信都會知巴塞球員嗰兩場波，最令人深刻嘅，並唔係佢哋嘅入球，而係佢哋嘅「演技」…呢一點就連Bleacher report都講到，認為曼聯球員一定要憑佢哋嘅經驗，時時刻刻保持住冷靜，唔好因為foul就燥底，因為一燥咗，就好容易失位，俾巴塞有機可乘…最後，仲點名講到明要拉菲爾好好控制一下自己…以相為鑑，唔好打少個呀..拉菲爾你記住呀...
(4)傑斯嘅經驗，對曼聯進攻起決定性作用
Bleacher report講到交波嘅人都好重要，呢個任務當然落咗喺經驗最老到嘅傑斯身上。佢又用之前幾場波做例，話對阿仙奴一戰，無咗傑斯，進攻總係好似爭啲，但對車路士一出番傑斯，成隊波就生晒，佢仲不時走位入到對方禁區，搵攻門機會…佢哋仲講到，傑斯可以幫補下艾夫拿，等艾夫拿上咗去攻，傑斯可以出任左後衛頂住先，事關傑斯對韋斯咸一仗已經試過，睇唔出有咩問題…朗尼：聽晚交多啲好波，唔好再諗住點block唔出你個名喇...
(5)費sir要向阿仙奴偷師
點解要向阿仙奴偷師? 無它嘅，話晒阿仙奴都晌歐聯16強首回合打敗咗巴塞，總有啲嘢俾到曼聯學下…Bleacher report講到，巴塞打得好整體，好鐘意晌自己半場不斷俾壓迫對手，之但係佢哋晌阿仙奴嗰場，就好怕禾確特用速度爆佢哋…所以曼聯一定要好好利用華倫西亞同蘭尼，要不斷晌左路爆艾比度咁話…費sir：過兩招嚟洗下先喇，雲加...
另外，當然就係要專人mark實美斯，好似哥期尼對美斯寸步不離，唔俾佢跑到入禁區，仲講到明俾費查、維迪同里奧唔可以早早就拎咗張黃牌…
維迪：mark實你、mark實你、mark實你卡域克：我又mark，釘緊佢...
後記：筆者感覺聽晚費查唔會打正選，佢個任務，應該會交咗俾星仔去做...而Bleacher report最後仲建議曼聯聽晚打4-5-1，朗尼單箭頭，雖然「小豆」同朗尼下半季夾得好好，之但係排4-5-1，攻力無疑低咗，但就可以截住巴塞嘅中場，朗尼返後幫手，等打突擊…唔知大家又點睇呢?
請按此登錄後留言。未成為會員? 立即註冊