92一代:曼聯放棄青訓?放屁!

曼聯專區 於 12/09/2014 發表 收藏文章
當無咗韋碧克,又借埋卡華利走之後,大家都認為曼聯已經放棄咗青年軍,甚至前副教頭費蘭話,曼聯已經失去咗傳統。對於呢個指責,不同嘅曼聯名宿都出嚟澄清,重申曼聯係由青年軍建立起嘅。

先係傑斯,23年曼聯生涯、上陣963次嘅佢,如果曼聯真係失去青訓傳統,佢一定第一個喊出嚟:「球會永遠不會變,曼聯的傳統是打令人興奮的足球,給青年人上陣機會,這些都是我們的傳統。Ok,韋碧克的離開令人失望,你永遠都不希望看到一位本土成長的球員離開。但我們的領隊曾經給施多夫機會、給古華特機會、給沙維機會、給恩尼斯達機會、給湯馬士梅拿機會。他在提拔青年球員之上有很輝煌的歷史。而看我們的球隊,比歷基特場場有得打,在2R之後我們都有贊奴沙及占士威爾遜。」

而傑斯更認為,球隊用年青球員是因為「受壓」,受球迷的想法影響:「球員都會離開,但我們必須確定年青球員會隨他們的離開進入一隊,因為我們的球迷希望如此。曼聯的歷史是必定會用年青球員,我哋永遠都唔會希望失去呢個傳統。」

而另一位名宿畢特就認為,依家係「權宜之計」:「我們的新領隊是勝利的代名詞,不過要贏波只係佢嘅短期目標。佢簽3年約,所以會留一段時間,而依家球會的首要目標係重回勝軌,其他的事情只可以之後再處理。每個球會都在改變中,曼聯是僅餘希望連繫青年軍及一隊的球會之一,我們會繼續這個傳統。現在利物浦在這個範疇做得很好。韋碧克是個別的例子,不過大家都話我哋唔記得歷史了。我只可以話,我哋好需要另一班92一代,不過今時今日而言已經無咩可能再搵得到。外籍的球會班主希望有即時的成功,所以會請星級教練,然後俾6個月佢交功課。我同傑斯都睇緊9、10、11歲嘅青年軍比賽,我哋好關注。不過呢一刻,球會的當務之急係要重回勝軌。」

咁筆者都好希望有年青球員嘅,有傑斯呢個「人辦」,大家都會希望曼聯再出幾位忠臣。路就係咁行喇,雲高爾我哋靠你提拔新小白、新沙維架喇!
其實,雲高爾下任係你的話,筆者又唔擔心會無青訓噃!

如果喜歡我們的文章,請即分享到︰

標籤: 傑斯  畢特  

留言

會員
我要評論
請按此登錄後留言。未成為會員? 立即註冊
  • Hm Chan
    Hm Chan 於 13/09/2014 評論 NO. 1

    最好笑係畢特嗰句「簽三年約所以會留一段時間」,莫耶斯簽六年添啦,最後留左幾耐呀?

快捷鍵:←
快捷鍵:→