馬捷達一月離隊???

曼聯專區 於 18/10/2012 發表 收藏文章
啱啱先有段文話卡域克讚韋碧克有天份,就連英軍領隊鶴臣都講佢好有潛質,而費SIR又好鬼重用佢,咁唔知有無人又記得佢當時晌預備組同期嘅馬捷達呢? 馬捷達當年對維拉一戰為曼聯射入3:2反勝嘅入球,奠定咗08/09年英超冠軍,但好可惜之後又傷,又傳過一啲有關佢生治唔檢點嘅事,而傷後又發展平平,就算外借森多利亞同昆士柏流浪都無表現,依家就一直晌預備組踢波,偶有佳作,可惜苦無上一隊嘅機會,令近日傳出佢想離隊嘅消息。
馬捷達今年一次一隊上陣機會都未有...

日前佢嘅經理人晌意大利傳媒表示:「馬捷達都係時候要離隊呀喇,我都唔明點解曼聯又唔用佢,但今夏又要留住佢唔俾佢走,其實曼聯前線有咁多高質素前鋒,都好難俾佢空間等馬捷達有機會上陣。

佢又話喇,「KIKO好想有上陣機會,如果佢一月無得離隊,到時就要搵另一個方法俾佢有機會打正選。過兩日我會代表佢同費SIR傾下,其實佢晌今夏有唔少德國同西班牙球會都想簽佢,之但係曼聯選擇要佢留隊。球隊要明白個真實情況係,馬捷達今年只係得21歲,真係唔應該扼殺佢上陣進步嘅機會,希望佢哋俾佢明年一月離隊他投。」
一月將轉穿另一隊波衫???

經理人講到咁,KIKO一月就算唔離隊,明年夏天都好大機會走喇…筆者認為佢晌曼聯上陣機會真係細,事關其實KIKO同小豆一樣都係踢正中鋒位置,並唔可以打翼鋒之位,現時曼聯咁講求前線丕相走位亙動配合,尹佩斯、朗尼同轉緊形嘅韋碧克一定秤先,又何況佢仲有個「小豆」排晌佢之前呢? KIKO點會有多嘅上陣機會,睇下聯賽盃出名係俾年青人上陣機會嘅比賽都無佢份,咁就知佢晌曼聯前景係點…

其實筆者一直感覺KIKO射術唔錯,可惜考能發揮,最後不妨去片等大家重溫一下佢對維拉時入嘅一球…

筆者感覺KIKO埋門觸覺其實唔錯...

如果喜歡我們的文章,請即分享到︰

標籤: 曼聯  馬捷達  

留言


請按此登錄後留言。未成為會員? 立即註冊
    快捷鍵:←
    快捷鍵:→