香川真司:無諗過去巴塞、皇馬、聖日耳門

曼聯專區 於 16/10/2012 發表 收藏文章
香川真司晌多蒙特時表現出色,令到曼聯今球以1700萬歐元將佢收歸其下,至今佢為曼聯正選上陣過7次,入咗2球,亦有交出過助攻,同為曼聯帶嚟之前未有嘅即交即走位嘅戰術,而晌國家隊方面表現亦唔差,啱啱先晌對法國嘅友誼賽入面,為日本射入奠定性一球,正因為佢季初表現不俗,傳媒就傳佢日後有機會轉投巴塞、皇馬或者巴黎聖日耳門。
對法國嘅友誼賽入面,為日本射入奠定性一球...

對於呢個傳聞,曼迷當然感覺好無厘頭喇,但今年23歲嘅香川都好認真晌外界澄清:「未來嘅事無人會知,我從來都無諗過巴塞同埋皇馬,至於巴黎聖日耳門呢,佢哋係一支實力不斷提升嘅球隊,同時巴黎亦係一個好好嘅城市,之但係我依家只係會100%專注自己晌曼聯嘅足球生涯。」

佢又話喇,「依家我係曼聯球員,球迷同隊友都期望我表現會更好,自加盟曼聯之後,我對於自己晌場上同場外嘅行為都好嚴謹,我以前晌日本甚至多蒙特踢波時都無咁大壓力,正如自己三年前都無諗過自己足球事業發展得咁快,同埋可以效力偉大球會曼聯。」
香川呢幾年嘅進步,令佢知名度不斷提升...

以佢啱啱嚟到英超,香川真司表現真係OK呀喇,當然佢要晌英超立足,體能一定要好,同埋身型上都要硬朗一啲,就連費SIR都俾咗忠言香川,希望佢作出改善:「費SIR希望我平時接應隊友傳波時唔用背晌龍門方向攞波,要側身接應傳球,,咁樣嘅話,晌我攞到個波後就可以更快作出傳球,同創造更多射門嘅機會,如果要好好改善,我就一定要令自己身體更加強壯,咁先可以晌對方守衛對抗下HOLD得住個波,如果繼續背對住攞波,咁就好難可以製造威脅俾對方。」

希望香川日後繼續為曼聯效力,同埋練得大隻啲,對抗性好啲,咁發揮就一定更好喇…

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→