韋拉：同堅尼打？我會贏！ 精選

對於一眾曼迷而言，兩大鐵漢堅尼同韋拉的大鬥法絕對係一時佳話，佢哋嘅宿敵關係就好似周瑜同諸葛亮一樣，真係鬥到死都仲要鬥落去！不過佢哋之間嘅關係呢幾年嚟有啲改變，已經唔係淨係得敵視，雙方好似已經惺惺相惜咁，無他嘅，佢哋家下都係球評家成日要合作，之前仲要一齊拍咗套紀錄片講大家之前嘅宿敵關係！都話架啦，一日敵人未必一世敵人嘅！

而堅尼嗰本好惹火嘅自傳其實都有提過韋拉，堅尼仲話真係打起上嚟嘅話，自己應該唔夠韋啦打咁話…而韋拉就咁講：「本書我就未睇過，不過就聽好多！如果真係同堅尼打交？我諗要用好長時間先可以擊敗佢，而且我一定會好傷！因為我知佢唔會咁易就棄權！」
韋拉亦認為堅尼「書如其人」，絕不妥協：「佢在書中非常誠實，真係書如其人。佢寫書嘅方式同佢做球員的方式可謂一模一樣，唔會半途而廢，事事去到最盡。佢會選擇一係得到一切、一係失去一切，無中間嘅。本書真係好似佢。」而韋拉就認為自己同堅尼都係好有決心嘅人，同樣都係隊中靈魂，喜歡挑戰自己，所以總係好期待二人的對壘咁話。不過如果佢兩個舉行一個拳擊比賽，應該好多人買飛睇！
打交喇又打喇
成日都打架？