靴里拉:離開對小豆是好事

曼聯專區 於 12/08/2014 發表 收藏文章
雲高爾對球隊的審視已經進入尾聲,有幾位球員都被告之可以離隊。當中,小豆靴南迪斯的離開似是已經無法逆轉,而靴里拉都認為小豆有必要走!咩話?靴里拉你咁衰嘅!話哂都係隊友,大家同聲同氣都係講西班牙話,唔駛咁絕呀嘛…等等,大家唔好誤會,呢個靴里拉唔係西班牙新兵安達靴里拉,而係同名嘅墨西哥國家隊主帥米捷靴里拉(Miguel Herrera):

「我想小豆應該要走。祖雲達斯對他而言是一個好選擇。如果,如果教練已經不想用你;如果你已經在這裡取得了最好的經驗;如果你已經歷過最好的時光,如果喜歡你的教練已經不再在位…這就是離開的時候了。對小豆,機會多的是,而且都是好機會。如果他加盟祖記,這是一個非常出色的團隊。不容置疑,這對他而言是一個好轉變。希望他可以有更多上陣的機會。」

身為國家隊主帥,呢位老靴里拉應該係睇穿咗曼聯確係無小豆容身的地方,有雲佩斯、朗尼同韋碧克的情況之下,小豆的發展一定會受影響。為咗自己好,小豆有必要去開拓眼界,咁先可以再進步。修咸頓、熱刺、國際米蘭、祖雲達斯、馬德里體育會、祖雲達斯,每一隊都有更多的空間俾小豆,愛佢,我哋就要放手俾佢,讓小豆有地方成長為堅韌的豌豆樹(哭…)…
PS.呢個時候,其實記者真係要訪問一下安達靴里拉點諗囉!
米捷靴里拉。
靴里拉。
米捷靴里拉。
靴里拉。
米捷靴里拉。
好驚。
其實大家感情咁好,靴里拉又點會捨得小豆先得架!Amigo~

如果喜歡我們的文章,請即分享到︰

標籤: 米捷靴里拉  靴里拉  小豆  

留言


請按此登錄後留言。未成為會員? 立即註冊
  • vv11716 於 12/08/2014 評論 NO. 1

    小豆都好努力 可惜比條本土炮費碧左住晒 其實今季個打法係好岩小豆踢 可惜可惜

快捷鍵:←
快捷鍵:→