雲高爾:迪馬利亞有時上腳太多喇!

曼聯專區 於 11/11/2014 發表 收藏文章
晌曼聯小勝水晶宮1:0後,領隊雲高爾就表示,佢依然尋找緊最適合曼聯球員嘅戰術,想在此搵到戰術上嘅最佳平衡點。其實雲高爾執掌曼聯後,一直試咗好多個陣型,3-5-2、4-4-2菱形中場,而依家雲高爾又變成用4-3-3,前線只放一個中鋒。雲高爾日前自己亦都承認,他晌陣容上作出了好多變化,「是,我的確改了好多次陣型。」

曼聯上場1:0小勝水晶宮,取得4場比賽首場勝利。有傳媒認為雲高爾將曼聯攻勢足球傳統改變了,讓球隊打造成主場1-0賽果的隊伍。雲高爾對此就講喇,「我一直都晌陣型上找平衡,最近4場大家會發現球隊比之前更平衡,我們失球少咗,但與此同時,我們入球數字上都唔多。」
馬達為曼聯奠勝!

雖然依家情況係咁,曼聯入球上唔係好多,之不過雲高爾向外清晰表達現時目標,「我哋必須要確保進入前四,當然我哋表現仍需要提高,但與此同時亦都需要時間,而且我哋同時亦面對很大嘅傷兵問題。現時有9同球員受傷、1人停賽,排陣上會有困難,因為無法晌好多球員入面作選擇。在我教練生涯中,都未試過遇過咁多球員受傷嘅情況,不過我知道自己必須要面對。」
卡域克都係啱啱傷好!

雲高爾另外仲表明自己要度球員一攞波就交波,唔好上腳咁多,而呢方面迪馬利亞就比較做得無咁好,「有時候唔可以帶咁多波,必須將波傳出去,迪馬利亞唔係嗰種一攞波就傳波嘅人,但晌某啲情況下,球隊需要嘅唔係盤扭,而係傳球。因此令佢晌比賽中失波太多,對球隊平衡不太好。」
迪馬利亞要改變?

如果喜歡我們的文章,請即分享到︰

標籤: 曼聯  雲高爾  迪馬利亞  

留言


請按此登錄後留言。未成為會員? 立即註冊
  • Ka Kit Lam 於 11/11/2014 評論 NO. 1

    j11 先係上腳最多又交唔到波果個!

快捷鍵:←
快捷鍵:→