雲高爾:賣韋碧克無做錯!曼聯係輸自己!(足總盃賽後語)

曼聯專區 於 10/03/2015 發表 收藏文章
曼聯晌周一足總盃8強賽事,主場以1-2不敵阿仙奴,被淘汰出局,亦都意味雲高爾晌曼聯首個賽季四大皆空。呢場波輸波後,雲帥都好坦白承認呢場波曼聯冇輸俾對手,而係輸俾自己,「我哋無輸俾阿仙奴,而係輸晌自己表現,令人非常失望。球員當然都好失望,因為佢哋好清楚知道呢場比賽本來可以好唔同。球隊0-1落後,但我哋好快就扳平,呢一方面令到輸波顯得更失望。下半場原本我哋先有領先機會,所以總括嚟講,曼聯原本有機會取勝。」

對於阿仙奴嘅絕殺入球係嚟自華倫西亞嘅回傳失誤,雲高爾就講喇,「晌嗰個區域任何球隊都唔可以失控球權,但偏倫我哋將個波給咗對手,呢方面係令人非常失望。」不過雲帥賽後拒絕批評華倫西亞,「我認為華倫西亞係曼聯今晚表現發揮得最好嘅球員,好可惜佢犯了呢個決定性嘅錯誤,而這樣嘅事情往往都會發生。」

為阿仙奴絕殺曼聯係紅魔舊將韋碧克,有記者賽後就問雲高爾是否仍然認為賣走韋碧克而引入法卡奧係正確決定時,雲高爾就好堅定咁答「係!」

對於迪馬利亞因為同球證理論而被紅牌離場,雲高爾就講喇,「任何球員都應該清楚自己唔可以同球證有身體接觸。佢接觸咗球證,然後球證俾佢第2面黃牌。賽前我就提醒過球員,呢啲咁關鍵嘅比賽唔可以有人拿紅牌,球員必須控制自己情緒,但好可惜紅牌都係出現。我已經同迪馬利亞講過,球證就係球場上最有權嘅人,佢決定一切,你必須去適應球證,而唔係用其他方式。隨著10個打11個後,我哋就好難擊敗對手,但係球員們一直戰鬥到最後,而球迷亦一直在支持球隊,這點非常重要。」

曼聯呢場波輸後,本季任務只剩下爭取歐聯資格,本週末曼聯將迎戰熱刺,雲帥就此表示:「今天所有球員都好失望,這合乎邏輯,我哋必須想辦法從失望中恢復。我唔可以話球員晌場上表現唔好,佢哋再次顯現出非常好嘅爭勝精神。輸波對我哋嚟講係巨大打擊,但畢竟大家都係職業球員,有信心可以恢復狀態。」

如果喜歡我們的文章,請即分享到︰

標籤: 曼聯  阿仙奴  韋碧克  雲高爾  足總盃  

留言

會員
我要評論
請按此登錄後留言。未成為會員? 立即註冊
  • ahbin
    ahbin 於 10/03/2015 評論 NO. 1

    凡高講得啱!曼联係輸比自己㗎!成日出埋的旁門左道插水厄球证?出嚟行遲早要還㗎!死蠢…

  • FG
    FG 於 11/03/2015 評論 NO. 2

    用2億係擴軍到最後又咪黎四大皆空

快捷鍵:←
快捷鍵:→