雲高爾:或會自動請辭

曼聯專區 於 27/12/2015 發表 收藏文章
曼聯依家咩情況,筆者都唔多講喇,再輸一場之後主帥雲高爾接受訪問時咁講:「其實,我可以自己請辭。我可以同艾活華提出,不過唔係同你(記者)講。唔一定係要球會主動去炒我,我自己一樣可以做。我總係希望做先開口嘅一個,同曼聯高層、同職員、同球員都一樣,不過都係嗰句,我唔會同你講。」

雲帥都承認,依家要激勵球員真係唔容易,佢已經盡力做,只係場場波都係輸,難度就越來越難:「我都身在4連敗之中,人人都望住我哋點做,我都要好好處理。球員都一樣,佢哋仲難面對,因為落場的係佢哋。上半場我只可以講,我哋根本唔入局。對手半場前入一個自由球,入更衣室我同佢哋傾過,下半場改善好多,製造咗幾個機會,只係你有需要入波。」最後,雲帥仲話傳媒寫緊一啲無中生有、曼聯入面無發生過嘅事,佢提出唔係因為自己感覺唔好,係因為有需要講先講出嚟。

其實呢一刻,雲帥真係講咩都好似無咩說服力,始終7連不勝加上歐聯出局,真係唔係人人接受得到。趁剛完場,又不妨睇睇ESPN對呢場波嘅評分:
迪基亞:6分,2個入波佢都做唔到咩,盡哂力架喇。
楊格、史摩寧、鍾斯、白蘭特:齊齊5分。
馬達:中前場攻擊希望之一,不過最佳位置畀費蘭尼打咗。4分。
靴里拉:好努力,係中場活力來`源。不過都係得5分。
卡域克:無甚建樹。4分。
費蘭尼:3分
迪比:1分。大家都明點解。自殺式回傳引致球隊先失波,其後上腳都係扭扭扭失,扭扭扭失…
馬迪爾:仍然係曼聯最具威脅的球員。只係腳風麻麻,同埋支援都係唔夠,要兼顧翼同前鋒工作,難打。4分。
朗尼:5分。後備上陣之後球隊有啲起色,佢都有提搶,做到隊長的工作。只係…太遲喇。



如果喜歡我們的文章,請即分享到︰

留言


請按此登錄後留言。未成為會員? 立即註冊
  • 痢魯無 於 27/12/2015 評論 NO. 1

    迪比,你上場啲突破呢?點解變左突破自己防線。生性啦

  • VF 於 27/12/2015 評論 NO. 2

    你走啦~我地唔想攪大件事!

  • JJKUN 於 27/12/2015 評論 NO. 3

    啲死獌狗一輸波就整

  • JJKUN 於 27/12/2015 評論 NO. 4

    賴,除左賴仲識乜

快捷鍵:←
快捷鍵:→