雲加費SIR賽前異口同聲:請尊重雲佩斯

曼聯專區 於 03/11/2012 發表 收藏文章
周六早場將會上演另一場大戰,由曼聯主場對住阿仙奴,場波焦點除咗阿仙奴上年聯賽晌呢度輸8-2之外,當然另一焦點就係今夏以24M轉投曼聯、效力咗阿仙奴8年、為兵工廠射入136球嘅射手雲佩斯嘅首度倒戈戰。賽前兩位領隊竟然同時間呼籲:大家球迷要尊重雲佩斯!!

雲加就話喇,「依家英超仲宣傳緊反歧視,我當然希望球迷能夠作出適當嘅尊重,畢竟佢都為球隊效力過8年,效力期間仲要表現得好好,雲佩斯絕對值得尊重。對球隊嚟講,今晚場波最重要係賽果,以及係球隊能唔能夠表現出應有嘅質素,而並唔係齋講雲佩斯。」

講到雲佩斯有曼城唔去而去曼聯加盟一事,雲格就繼續話,「我對於佢轉會曼聯一啲都唔覺得係意外,晌曼聯隊中位位都好高質素,而雲佩斯除咗入波之外,佢仲可以助攻,走位又靈活,晌前線同佢拍擋嘅人,一定會受惠,佢絕對真係一個好有效率嘅前鋒。」

而領隊費SIR就話:「我覺得今場波客軍嘅球迷應該尊重雲佩斯,當你哋諗番下以前昔日名將離開曼聯後再重臨,我哋係會俾佢一個大力掌聲,以示歡迎,所以我覺得呢場波唔會係一個問題,事關我相信一班阿仙奴球迷會承認佢晌阿仙奴8年嘅貢獻。」

如果喜歡我們的文章,請即分享到︰

標籤: 曼聯  阿仙奴  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→