錢！全部都係錢！ 精選

答案頁~

1. C朗對腳嘅保險金貴定係普巴貴？答案係，C朗對腳貴啲！90萬鎊！

2. 祖記球場貴定普巴貴？其實祖記球場同C朗對腳一樣值錢！所以，都係普巴平！

3. 曼市地標、商住兩用大廈Beetham Tower貴定普巴貴？ 話明地標，梗係樓貴啦！1億5千萬造價，都要2個普巴先畀得起架！
4. 咁，伊巴咁多年嚟嘅總轉會費貴，定係普巴呢「一次性」駛費貴？當然係伊巴啦！馬模、阿積士、祖記、國米、巴塞、AC米蘭、巴黎聖日耳門，轉過咁多次先用咗1億2500萬鎊，都叫抵啦係唔係？

5. 超超超超級貴金屬「鉲」4克！邊個貴？ 呢隻係核子級金屬，4克可以賣畀核反應堆賺大錢架喇！不過4克呢，都值8200萬鎊，唔夠普巴貴！不過普巴重80000克...斷斤計，你輸！

6. 咁比起上季成隊李城呢？人哋成隊都係5280萬鎊咋…

7. 咁朗尼買唔買得起普巴呢？講緊係，個人財富！朗尼身家呢就有8200萬鎊，賣埋底褲都唔夠買普巴！