里奧:佢贏波係次要,但辱及球迷就係唔啱!

曼聯專區 於 17/04/2011 發表 收藏文章
當人人都話里奧輸波輸品,又有無人諗下點解呢位曼聯大阿哥咁嬲?佢係twitter上為自己嘅失控道歉之餘,道出怒氣沖沖的原因:巴洛迪利竟然係比賽之後將自己件波衫扔向曼聯球迷,然後又向里奧佢地扮鬼面!里奧表示,如果你入波個一刻行去對手球迷到示下威已經係踩界,完咗場仲向對方球迷挑釁就係無品!大阿哥睇唔過眼先幫球迷討回公道,可見佢場內場外都係曼聯嘅大師兄!
更加過份的是文仙尼,得知件事的前因後果仲非常風騷,話:送佢(巴洛迪利)去坐監好唔好?下星期就拉佢去啦!邊有領隊縱容球員咁無體育精神?對比之下,里奧係就係錯,但錯得有品!
各位曼迷,大家有呢位咁錫大家嘅里奧費迪南應該好開心,我地一齊支持佢啦!
里奧:邊有人打波打到你咁,去撩人地球迷??
(設計對白)文仙尼:有罪就送佢去坐監啦!撩球迷有罪呀?(設計對白)
來源:goal.com英國太陽報
標籤: 里奧費迪南  巴洛迪利  

留言


請按此登錄後留言。未成為會員? 立即註冊
    快捷鍵:←
    快捷鍵:→