大家話曼聯上幾季中場唔多夠力，今季就買多2個！大家話小豬係好不過年紀大啲又未必啱打，雲帥就搵個後生嘅兼打慣打熟英超嘅返嚟！無錯，25歲嘅修咸頓中場舒尼達連已經繼小豬之後嚟到體測，仲好有機會周一一齊飛去美國添！
幾星期前，英國嘅博彩公司已經將舒尼達連加盟曼聯嘅投注封盤，即係話當時已經有唔少消息指呢個轉會好大機會會完成，不過唔知咩原因啦，修咸頓領隊高文就話個報價無誠意，又話要買趁手，「真係要買就快啲實際行動喇，咁對球員先係最好，我哋都要時間去搵人頂佢架？」點睇，都係扭下、玩下想叫高啲價啫？而前紅魔大將里奧費迪南都咁講：「2000幾萬鎊，應該成事架喇。佢幾好架，轉守為攻又幾好，又夠硬淨，交波都有一手。我諗卡域克受傷時就有佢份打架喇！」最後真係唔止2000幾萬鎊，外間認為個轉會成2500萬鎊架......
睇牌面，其實佢真係流住「聖徒」嘅血架，效力修咸頓7年，睇住球隊由英甲升到英冠、再由英冠升到英超、再打入歐霸，關關難過關關過，老老實實見佢同球會共咁多患難都仲係想走就真係幾衰仔嘅…不過話又講返轉頭，衰仔嘅又點止佢？勞基梳爾、列基林拔、拉爾拉拿、洛夫雲個個都衰仔在先、行頭走人，又難怪舒尼達連想走埋一份嘅……
不過點都好啦，依家後生、有活力兼硬淨嘅有佢；老啲嘅有經驗嘅，轉守為攻嘅有卡域克；傳送嘅、創造力嘅有靴里拉；新鮮得嚟又做到中場指揮官嘅有小豬，呢條中場線應該可以期待一下喇！
幾星期前，英國嘅博彩公司已經將舒尼達連加盟曼聯嘅投注封盤，即係話當時已經有唔少消息指呢個轉會好大機會會完成，不過唔知咩原因啦，修咸頓領隊高文就話個報價無誠意，又話要買趁手，「真係要買就快啲實際行動喇，咁對球員先係最好，我哋都要時間去搵人頂佢架？」點睇，都係扭下、玩下想叫高啲價啫？而前紅魔大將里奧費迪南都咁講：「2000幾萬鎊，應該成事架喇。佢幾好架，轉守為攻又幾好，又夠硬淨，交波都有一手。我諗卡域克受傷時就有佢份打架喇！」最後真係唔止2000幾萬鎊，外間認為個轉會成2500萬鎊架......
睇牌面，其實佢真係流住「聖徒」嘅血架，效力修咸頓7年，睇住球隊由英甲升到英冠、再由英冠升到英超、再打入歐霸，關關難過關關過，老老實實見佢同球會共咁多患難都仲係想走就真係幾衰仔嘅…不過話又講返轉頭，衰仔嘅又點止佢？勞基梳爾、列基林拔、拉爾拉拿、洛夫雲個個都衰仔在先、行頭走人，又難怪舒尼達連想走埋一份嘅……
不過點都好啦，依家後生、有活力兼硬淨嘅有佢；老啲嘅有經驗嘅，轉守為攻嘅有卡域克；傳送嘅、創造力嘅有靴里拉；新鮮得嚟又做到中場指揮官嘅有小豬，呢條中場線應該可以期待一下喇！
請按此登錄後留言。未成為會員? 立即註冊