迪基亞:費sir下令餘下10場要贏晒

曼聯專區 於 18/03/2012 發表 收藏文章
曼城上個禮拜爆冷輸咗俾史雲斯,令曼聯依家1分力壓曼城,上咗榜首,爭標形勢即刻變得樂觀,只要紅魔嚟緊贏晒波,就可以衛冕冠軍。

近期表現著晒火嘅門將迪基亞,日前就接受英國《太陽報》嘅訪問,佢晌訪問時表示,費SIR已經下咗令要餘下10場聯賽要贏晒,佢就話喇:「費格遜晌更衣室同球員講,我哋現時手握住最重要嘅1分,依家聯賽命運掌握晌自己手中;成功與否,就要視乎球隊嘅努力,我們係唔可以輸!晌更衣室入面,大家都好清楚目標,就係是全勝。」
曼聯晌歐霸失利後,依家只淨番聯賽可以爭標,唔係今年就會四大皆空!!!

分析返餘下賽程,曼聯晌4月尾要作客曼城,外界一致都認為呢場曼市「打吡」,將決定今屆聯賽冠軍落入邊個手中,但迪基亞就話,球隊上下根本無諗到咁遠,依家只係關心周日對狼隊嘅比賽。佢又話喇:「我哋都無諗過打吡戰,依家只會專心狼隊嘅比賽,事關依家每場比賽,對爭標都好重要,未來場場比賽,都是當盃賽決賽咁打。」

迪基亞:祈禱、祈禱、祈禱,曼聯嚟緊10場要贏波!!!

如果喜歡我們的文章,請即分享到︰

標籤: 曼聯  迪基亞  費格遜  英超  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→