迪基亞「愛魔宣言」?

曼聯專區 於 05/09/2017 發表 收藏文章
幾年來皇馬都好想買到迪基亞,不過就總係買唔到手。唔知當事人係點睇嘅呢?當然就係要問問佢本人啦!MUTV早前就訪問咗佢,提到好多人都認為迪基亞已經躋身世界頂級門將之列,佢就咁講:「有人咁讚自己當然係好自豪,感覺良好,但我會繼續集中,繼續努力,做好自己。」

至於傾到佢未來如何,迪基亞答案令我哋都好安心:「老實講,仲年輕時係唔會點諗未來,只會想同朋友開心去玩。但年紀大咗,就會想去最頂級的球會比賽,可以喺曼聯踢波絕對係我夢想之一。」唔打皇馬,佢喺曼聯嘅好表現一樣得到人認同,早前世盃外西班牙對意大利一仗狂牛就係佢把關兼保清白之身。但原來即使強如迪基亞,一開始都對自己不太有信心:「其實唔易去了解自己,我一直都唔認為自己可以躋身一流球會,尤其係年青時。直到15、16歲左右啦,我就開始有啲信心,知道有機會打入頂級聯賽。當時我都有玩網球同籃球架,不過足球我打得最好,亦係我嘅最愛。」

其實唔止運動多才多藝,迪基亞連音樂都有啲造詣!一段佢幫三間牌拍嘅廣告入面佢就大show打鼓天份,入型入格!而且唔止佢架,另一位傳奇門將施治一樣都係「鼓王」打得一手好鼓!連埋「舞王」普巴、連加特,甚至加埋「機械舞王」高治,直情可以開show添呀!
https://www.youtube.com/watch?v=NsPlSyUZydc
標籤: 迪基亞  

留言


請按此登錄後留言。未成為會員? 立即註冊
  • wombat 於 06/09/2017 評論 NO. 1

    訪問佢嘅係曼聯官網,請問你expect佢會話去皇巴係佢嘅夢想麽?

快捷鍵:←
快捷鍵:→