轉會最後一日:魔鋒大逃亡

曼聯專區 於 01/09/2014 發表 收藏文章
雲高爾曾經講過曼聯太多9號仔同10號仔,不過經歷了轉會的最後一日,可能真係瘦身成功,不過就會令好多人好失望…

大逃亡始於香川真司,佢已經被多蒙特買斷,不過筆者認為佢只可以成為馬高列奧斯的後備…除非佢可以極速打返起,如果唔係佢嘅未來都幾令人憂心…不過另一位求走的攻擊球員,可能決定由一張板凳去另一張板凳…根據ESPN轉述西班牙阿斯報消息指,小豆靴南迪斯雖然炙手可熱,不過離佢最近的竟然是皇家馬德里。可以買斷佢嘅華倫西亞同祖雲達斯佢都好似無心去,反而可能以外借身份到皇馬成為賓斯馬的後備。13/14球季佢在聯賽共上陣855分鐘,在盃賽上陣1435分鐘,貢獻了9個入波,表現只可以說是中規中矩而已。不過筆者有個諗法,佢寧願外借都唔想被買斷,可能係希望下一季可以繼續留效…始終佢同曼聯的情誼非同一般,佢都未必想真係離開奧脫福,就好似又返嚟嘅安達臣一樣!小豆你要加油!要打出身價!

而另一位大逃亡的主角,是歷代魔帥都非常愛用的韋碧克!最新同佢拉上關係的是新特蘭,佢哋都係唔想買斷而想借,而借用一整季的費用不菲,曼聯開價去到500萬鎊,不過普耶就好樂意出呢個價。心水清的看官應該都記得,韋碧克其實正正就係喺光明球場渡過10/11賽季,26場比賽攻入6球,其實都算幾合格!而熱刺看來都對韋大帝有興趣,佢今季喺邊到落腳?仲有一日就定案!

數數下,智利大學嘅軒歷基斯外借咗,沙夏又外借咗,如果小豆同韋碧克都走埋,咪得返朗尼、雲佩斯,同埋小將羅倫斯?不過雲帥又話雲佩斯狀態唔好未必有正選噃…真係好混亂呀!
改圖都改得咁似嘅...T^T
真係咁易改?
呢張呢...就唔係改圖喇!
得返佢兩個??唔係呀化?

如果喜歡我們的文章,請即分享到︰

標籤: 靴南迪斯  韋碧克  

留言


請按此登錄後留言。未成為會員? 立即註冊
  • eric2722 於 01/09/2014 評論 NO. 1

    買咗法卡奧

  • VanKenny 於 01/09/2014 評論 NO. 2

    買前無後,點算?

  • jasonwkc 於 01/09/2014 評論 NO. 3

    賣左肥仔最好!

快捷鍵:←
快捷鍵:→