踢而優則教！維迪考慮轉戰教練！

球員掛靴之後出路不少，有不少人有自己一套特殊技能，如簡東拿投身演藝界、碧咸做「生意佬」等待，不過有更多的是選擇做教練。哥迪奧拿、摩連奴都是球員出身，曼聯陣中亦有不少掛靴後成為領隊的球員如堅尼、蘇斯克查、加利仔等等。如今又多一人，佢就係維迪喇！

一月時因為傷患而掛靴嘅佢如是說：「掛靴決定唔係因為我突如其來唔再喜歡踢波，而係因為近年我累積咗好多傷患。呢個亦係我離開曼聯的原因，因為我知我打唔返之前嘅水準喇…我咁大個仔都只係做過足球員，而只得34歲就離開綠茵場更令我猶豫，只係我知道我背傷問題令我唔能夠再支持落去。不過坐喺後備席應該唔會受背傷影響掛？所以我諗做教練應該無問題嘅！幾年前我就準備緊自己架喇，如果可以睇下、學下一啲出色領隊嘅工作，我都會試下搵一隊球隊去開展我嘅教練生涯。」
由2006年到2014年效力曼聯嘅佢當然心繫曼聯，佢都有為曼聯做好多宣傳大使嘅工作，所以亦有提到曼聯近況，對於曼聯正值轉變當中佢表示理解，仲希望連加特、拉舒福特、馬迪爾等人可以用佢哋嘅能力、速度、精力去改變紅魔鬼添。如果講返佢去教波，你又估下會教邊一隊呢？唔通係佢母會貝爾格勒紅星隊？