足總盃魔法 曼聯由出局邊緣變隨時奪冠?

曼聯專區 於 25/01/2015 發表 收藏文章
當曼聯無法擊敗英乙球隊劍橋聯已經成為大家嘲笑對象,不過原來「一山還有一山高」,一眾英超球隊在足總盃魔法的影響下逐一脫腳...曼聯戰和劍橋聯之後一日,車路士在主場2-0領先的大好形勢下,被英甲球隊巴拉福特反勝4球,狂人棚牙一次過被剝哂,亦造就了對方18年來首次殺入足總盃第5圈。

同時,曼城的成績亦唔係好見得人...對住英冠第二的米杜士堡,曼城出盡精英如阿古路、大衛施華、祖維迪,不過上半場對方已經有一個頭槌詐糊,因為越位而被判不入,響起警號,最後果然因為一個解圍失誤先失一球,補時更因為空群出擊、後防空虛被米堡打反擊再輸一球...

唔爭在講埋,熱刺主場亦於法定時間被逼和1:1,再於補時被李城的舒洛比窩利破門反勝,連續3年足總盃第4圈出局。修咸頓又輸俾水晶宮、史雲斯又被淘汰、利物浦好啲,未輸,不過都和波要重賽...計計埋埋,出局嘅已經有車路士、曼城、修咸頓、熱刺、史雲斯、紐卡素、愛華頓等等強隊,水晶宮、西布朗、李斯特城成為暫時鐵定出線的球隊。

截至現時,阿仙奴、韋斯咸等等球隊仍未比賽,不過已經可以預見唔少強隊已經出局,曼聯如果可以在重賽時成功擊敗對手晉級,都不用再對車仔曼城等等強敵,隨時成為雲高爾最大機會奪得的錦標...所以話,世事如棋,圓嘅波碌去邊真係無人知..........

如果喜歡我們的文章,請即分享到︰

標籤: 足總盃  

留言

會員
我要評論
請按此登錄後留言。未成為會員? 立即註冊
  • king kwong
    king kwong 於 25/01/2015 評論 NO. 1

    假波無處不在

快捷鍵:←
快捷鍵:→