賓帥教精文仙尼:口水戰無助奪標

曼聯專區 於 29/03/2012 發表 收藏文章
賓帥賓尼迪斯出名同爵爺打過無數次口水戰,不過呢位久經戰陣的領隊日前就塞錢入文仙尼袋,同佢講意氣之爭對於爭標一啲用都無。佢咁講:

「作為一個領隊應該要擔心隊波、擔心自己個飯碗,而唔係擔心贏唔贏到啲無聊口水戰。依家人人都關心爵爺同文仙尼隔空開火,不過有咩意思?如果下場曼城贏5比0,傳媒就會話『文仙尼唔受口水戰影響』;如果下場曼城輸波,傳媒就會話『哦,口水戰拖垮曼城』。無論報紙點報其實都係無意思,佢講完以上的說話,隊波會因此而變勁咩?
叫咗你架啦。

其實好多球員都係『外籍人士』,跟本唔會睇新聞紙,口水戰對佢哋嚟講無咩正面或者反面作用。如果你隊波夠好,比賽同口水戰都會贏到。反之,打咩都輸。我認為曼市雙雄都有奪標的能力,曼城對冠軍非常飢渴;但曼聯有的是信心同經驗。我估今年真係要去到尾先知鹿死誰手。」
賓帥:我知你有睇報紙,叻。塞錢入你袋。

筆者同你講口水戰無用你可能唔信,不過由當年成日忍唔住同爵爺鬧交嘅賓帥講呢一番說話,說服力就差好遠喇。所以文仙尼你要學下嘢喇,而且更加應該帶埋韋拉聽埋一份!
賓帥:加油呀爵爺!

如果喜歡我們的文章,請即分享到︰

標籤: 文仙尼  賓尼迪斯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→