曼聯啱啱晌周亦嘅聯賽入面，以4-0贏咗諾域治，依家比打少一場嘅曼城領先15分! 曼城領隊文仙尼早前就講過曼聯領先咁多分，純粹因為佢哋好運，成日晌比賽末段入波令球隊攞到分，實力上睇「曼市打吡」首戰就知曼聯根本唔及曼城，而早前費sir就對文仙尼呢一番言論，作出反駁，更表明：「曼聯係有實力，並唔係好彩! 」
費sir對於文仙尼呢番言論，作出強勢反擊，認為言論係垃圾，根本唔成立，更表示曼城未能以更大嘅分數落後曼聯，佢哋先係有運：「佢更應該為曼城只落後現時嘅分數而感到幸運。晌比賽最後一刻入球並唔係幸運，我哋晌過去25年一直都有呢種事情發生，呢個明明就係一個令人恐怖嘅優點。」
上年晌最後6戰被反勝8分而失落冠軍，費sir對此仍耿耿於懷，因此同曼聯球員表明唔可以鬆懈：「聯賽一直都好重要，因為我哋唔想俾任何對手有反勝嘅機會，所以我對每一場聯賽比賽都好重視，每一場比賽我哋都希望贏波而回。依家嘅情況同99年好相似，當年我們晌足總盃場場都好難打，而晌歐聯方面亦好大壓力，當年交手嘅球隊包括巴塞、拜仁、國米、祖雲達斯。我們要同99年一樣唔懼怕任何對手，我唔認為艱苦嘅比賽會阻礙球隊前進，球隊正希望晌唔同戰線不斷前進，並達到最佳狀態。」
今場對皇馬一定要打醒12分精神...
曼聯將會晌香港時間周三凌晨，喺歐聯戰線上對皇家馬德里，費sir一方面想球隊晉級，重覆99年三冠王事蹟，另一方面佢都知皇馬有幾勁：「皇馬嘅戰鬥力非常勁，佢哋踢法好聰明，C朗、迪馬利亞同埋奧斯爾呢三角組合嘅反擊能力實在太嚇人，佢哋必定係全歐洲最擅長打反擊嘅球隊之一，因此周三呢場波，我哋一定要百分百做足準備，一定唔可以俾到皇馬有打反擊機會。」
皇馬反擊能力好強，又啱啱雙殺巴塞，士氣一定好好，曼聯一定要小心，要keep得住贏norwich嘅氣勢!
費sir對於文仙尼呢番言論，作出強勢反擊，認為言論係垃圾，根本唔成立，更表示曼城未能以更大嘅分數落後曼聯，佢哋先係有運：「佢更應該為曼城只落後現時嘅分數而感到幸運。晌比賽最後一刻入球並唔係幸運，我哋晌過去25年一直都有呢種事情發生，呢個明明就係一個令人恐怖嘅優點。」
上年晌最後6戰被反勝8分而失落冠軍，費sir對此仍耿耿於懷，因此同曼聯球員表明唔可以鬆懈：「聯賽一直都好重要，因為我哋唔想俾任何對手有反勝嘅機會，所以我對每一場聯賽比賽都好重視，每一場比賽我哋都希望贏波而回。依家嘅情況同99年好相似，當年我們晌足總盃場場都好難打，而晌歐聯方面亦好大壓力，當年交手嘅球隊包括巴塞、拜仁、國米、祖雲達斯。我們要同99年一樣唔懼怕任何對手，我唔認為艱苦嘅比賽會阻礙球隊前進，球隊正希望晌唔同戰線不斷前進，並達到最佳狀態。」
今場對皇馬一定要打醒12分精神...
曼聯將會晌香港時間周三凌晨，喺歐聯戰線上對皇家馬德里，費sir一方面想球隊晉級，重覆99年三冠王事蹟，另一方面佢都知皇馬有幾勁：「皇馬嘅戰鬥力非常勁，佢哋踢法好聰明，C朗、迪馬利亞同埋奧斯爾呢三角組合嘅反擊能力實在太嚇人，佢哋必定係全歐洲最擅長打反擊嘅球隊之一，因此周三呢場波，我哋一定要百分百做足準備，一定唔可以俾到皇馬有打反擊機會。」
皇馬反擊能力好強，又啱啱雙殺巴塞，士氣一定好好，曼聯一定要小心，要keep得住贏norwich嘅氣勢!
請按此登錄後留言。未成為會員? 立即註冊