衛報:車曼大戰5件事!曼徹斯特市係新米蘭??

曼聯專區 於 21/09/2011 發表 收藏文章
又係衛報5件事的時間喇!今次車曼大戰當然就係要好好重溫一下啦!你又同Daniel Taylor的諗法有無相似呢?

一,曼徹斯特市vs米蘭
大家都知道米蘭除咗時裝名牌出名之外,佢嘅兩隊足球隊國米同AC米蘭都係令人聞風色變嘅!不過Daniel Taylor就認為,英格蘭就嚟有另一個媲美米蘭嘅地方出現,就係曼徹斯特市喇!無他,今季雖然打得幾場波,不過曼市雙雄嘅霸氣真係一時無倆呀!而車曼大戰之前,爵爺已經睇到呢個情況!佢話,雖然車仔實力不容小窺,不過佢仍未能對曼市雙雄構成好大威脅。而事實就係車仔雖然打出實力,為紅魔帶來開季以來最難打的一場比賽,然而曼聯仍以3:1的賽果勝出,有驚無險!不過睇嚟曼聯同曼城的對賽,會成為今季嘅王者大戰喇!
曼市雙雄都可以好friend架!

二,蘭尼 vs c朗
奧脫福的一眾球迷同球員都好唔明點解上年蘭尼無入選年度最佳球員,因為佢真係打得幾好!唔好以為佢一時虛火,過咗一季可見佢嘅成長有增無減!可能佢未必好似師兄c朗拿度人氣咁旺、咁多人鐘意,但佢係邊線的突破能力日漸增強,今時今日已經可以傲視同儕!即使仲有好多傳媒將佢同c朗拿度比,不過數據已經說明,蘭尼已經超越咗佢!點解?公平咁計兩個球員為曼聯上陣的首100場聯賽賽事,入球同助攻加埋,比數係52比31。咁大家都應該明白,邊個對曼聯的貢獻更大啦?
邊個勁啲呢?
蘭尼:梗係我啦!

三,王子復仇記之唔識路返來?
人人都認為王子托利斯重拾佳態是時間問題,始終有日佢會返哂來,尤其好多人都仲記得佢對住龍門咩角度都射到波,攪到維迪成日超技術的一幕一幕。而上星期車曼大戰下半場一開波,當佢打敗迪基亞的一刻,相信亦有唔少人認為王子終於搵到路返來。不過,之後的一腳空門唔入令唔少人希望再次幻滅,而最痛苦的莫過於王子自己,因為佢一世都會記得呢一個尷尬的時刻…作為曼聯支持者當然對呢球唔入鬆一口氣,不過作為一個鐘意足球的人而言,呢一腳有幾入心入肺筆者絕對清楚…王子,加油呀!我哋等你返來呀!只要你唔好入曼聯波,我地一定支持你重拾佳態!
其實...呢個托利斯先係最恐怖的
王子返來未呀?托利斯:ok!就架喇!

四,林伯真係要轉型
其實下半場好明顯車仔有必要轉陣同紅魔一拚,因為林伯上半場真係舉步維艱。佢雖然係鐵人,不過挨咗咁多日子,仲對住曼聯一班老虎仔,真係打得非常吃力。33歲嘅林伯特真係唔可以再用之前個套,比起拉美利斯等人,佢嘅機動力同體能真係比下去喇。成為車仔嘅精神領袖唔係唔好,不過對件事真係無幫助。其實佢真係應該諗諗學下堅尼同史高斯,打後一格,用佢嘅經驗做攔截同防守,對車仔對佢自己都係一件好事。
我轉型失敗...唔好理我...

五,迪基亞之愈來愈穩陣
季初手震震嘅迪基亞曾經被人質疑,仲同表現大上大落嘅高美斯相提並論。不過經過上仗,大家唔單止見到佢嘅自信心一直上升,表現一直變好,而且幸運之神好似開始鐘意咗佢,好似拉美利斯咁大個龍門唔揀,係要揀迪基亞個身來射就已經可見一斑,更加唔好提王子嘅一腳千古之恨。咁嘅發展對迪基亞而言絕對係好事,我哋期待住佢成為曼聯另一個傳奇門將啦!
先有勇教冰之子12碼
再有托利斯唔入!迪基亞你真係運氣同實力都加強緊噃!

來源:衛報

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→